Lukas 10:36 - Kaili Ledo

³⁶ I Yesus nompakaupu tesaNa bo nekutana nte guru agama anu madota mombaopa tesaNa, ivei: “Nantuntuni panggavamiu, lako ri tona tatalu haitu, isema nompotove tona niago pangane?”

Lukas 10:36 Iomraidhean Croise

Matius 17:25

Nesana i Petrus, “Iyo, nibayariNa.” Naupu haitu nanjilimo i Petrus hau ri banua niponturora. Nakava hamai, dopame ia notesa nuapa-nuapa nekutanamo i Yesus, “Simon, berimba panggavamu? Isema kakanana masipato mombabayari balasitee ka magau-magau ri dunia hitu? Todeana mboto atau tupu ngata ntanina anu nidagina?”

Matius 22:42

“Berimba panggavamiu? Muli isema Magau Topepakasalama anu nijanji nu Alatala nggaulu?” Nesana ira, “Muli Magau Daud nggaulu.”

Lukas 10:35

Naeo mpadondo toSamaria haitu nombasuvuraka rompeka doi salaka bo nidekeina ka tupu banua nipesaira haitu, pade niulina, ‘Jagai ruru tona nadua hitu. Ane ledo magana, damo manjili yaku pade kubayari.’ ”

Lukas 10:37

Nesana guru agama, “Tona naasi matana nantulungi tona haitu.” Nanguli i Yesus, “Koimo, bo povia ivesia muni!”

Lukas 7:42

Randua topanginda doi haitu, ledo nipakulera nombabayari pakaupu indara. Nanguli tupu nu doi ka ira randua ivei: ‘Doiku niindamiu randua, domo kusingara nte komiu.’ ” Pade nanguli i Yesus ka i Simon, “Lako nte ira randua haitu, isema nipotovenapa tupu nu doi?”