Lukas 10:22 - Kaili Ledo

²² Pade nanguli i Yesus ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani nte Yaku Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu, aga Yaku, AnaNa mboto bo isema-sema Kupodota, Kupopaisanika TuamaKu ka ia.”

Lukas 10:22 Iomraidhean Croise

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 17:10

Pura-pura tona anu najadi todeaKu, najadi todeaMiu muni. Bo pura-pura tona anu najadi todeaMiu najadi todeaKu muni. KuasaKu bo kaogeKu nalanto nikita riara nggatuvura.

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 17:26

NipopaisaniKumo Komiu ka ira. Bo da Kupopaisani hanupa Komiu ka ira ala Ira mompotove tona ntanina nasimbayu mpo Komiu nompotove Yaku, bo ala Yaku mboto monturo riara ntaira.”

Yohanes 17:5

Tata, hitupa dekeimo kuasa bo kaoge ka Yaku ri situ nte Komiu, haitumo kuasa bo kaoge anu naria nte Yaku tempo Yaku nosanggani-nggani nte Komiu dopame dunia nipajadi.”

Yohanes 3:35

Tuamata Alatala nompotove AnaNa, bo nidekeiNa Ia mombakuasai pura-pura.

1 Korintus 15:24

Maliu haitu pade makava kaupu nu dunia. Tempo haitu i Kristus mombadagi pura-pura tupu ntanina bo anu nakuasa, bo Ia moparenta mpo Magau. Maliu haitu, radekeiNa PoparentaNa ka TuamaNa Alatala.

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

Efesus 1:21

Kuasa nidekeiNa ka i Kristus naogepa pade pura-pura kuasa ntanina, nau kuasa pomarenta-pomarenta, nau kuasa ntomaoge, nau kuasa anu nisomba manusia, nau kuasa-kuasa nipokaeka manusia. I Kristus nakuasapa pade pura-pura anu nalanga panggana, nau anu naria sii-sii, nau anu maria ri tempo makava.

Ibrani 2:8

Bo Komiu nombadekei kuasa ka manusia ala rakuasaira pura-pura anu naria.” Mazmur 8:5-7 Jadi ane niuli Alatala nombadekei kuasa ka manusia momparenta pura-pura anu naria, batuana, ledo ria sangayaa ledo nidekeiNa rakuasai nu manusia. Sii-sii dopa nikitata manusia nombakuasai pura-pura anu naria.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.