Lukas 10:17 - Kaili Ledo

¹⁷ Bara sakuya kasaena naliu haitu, pitupulu topangoseaka i Yesus nanjili lako ri ngata-ngata nikalaura pangane. Nadamba mpuu rarara bo niulira, “Pue, nau seta natundu nte kami bo nalai tempo nipopalai kami nte kuasaMiu!”

Lukas 10:17 Iomraidhean Croise

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Lukas 10:1

Naliutaka haitu, i Pue Yesus nompelisi pitupulu topangoseaka Ia ntanina. Tona pitupulu haitu nituduNa randua-randua samporoa mokolu ka Ia hau ri pura-pura ngata rakalauNa.

Lukas 10:20

Naupa ivesia, nee madamba raramiu sabana seta-seta natundu nte komiu. Agina madamba sabana sangamiu nitulisi riara buku nu Alatala ri suruga.”

Lukas 10:9

Pakabelomo tona nadua ri ngata haitu bo ulika ira, ‘Naparamo tempona Alatala moparenta mpo Magau ri tatangamiu.’

Lukas 9:1

I Yesus nompasiromu sapulu randua anaguruNa bo nidekeiNa kuasa ka ira mompopalai seta bo mompakabelo tona nadua mpengaya-ngaya.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

Efesus 5:24

Jadi kita todea topomparasaya nekou nte i Kristus, ivesia muni mombine kana mekou nte bereina riara mpengaya-ngaya.