Lukas 1:76 - Kaili Ledo

⁷⁶ Pade nanguli i Zakharia ka anana, “Iko, anaku, rakasangai nabi nu Alatala toNeliu KaogeNa, sabana iko majadi suro nTupu. Iko manguli ka topangoseaka Tupu, ira kana masadia mantarima Ia.

Lukas 1:76 Iomraidhean Croise

Matius 14:5

Kakanana Magau Herodes madota mompatesi i Yohanes, tapi naeka ia ante todea, sabana i Yohanes nirekera nabi.

Matius 21:26

Tapi ane raulita kuasana lako nte manusia, naeka kita nte todea, sabana ira pura-pura nomparasaya i Yohanes mpuu-mpuu nabi nTupu.”

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Matius 3:3

I Yohanes hitumo niuli Nabi Yesaya riara Buku Gasa ivei: “Naria tona nongare-ngare ri karava bai ivei: Pakasadiamo dala ka Tupu! Pakanoa dala raoseNa!” Yesaya 40:3

Markus 11:32

Tapi nakaja muni ane raulita i Yohanes aga nombadiu ante kuasa nu manusia.>> Niulikara ivesia sabana ira naeka ka todea apa nadea tona nomparasaya i Yohanes mpuu-mpuu nabi nu Alatala.

Lukas 1:32

Ia rapakaoge nu Alatala bo rakasangai Ana nu Alatala, toNeliu Kaogena. Alatala mompajadi Ia magau mpo totuaNa nggaulu, Magau Daud.

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Yohanes 1:23

Nesana i Yohanes, “Yakumo hii tona nitesa Nabi Yesaya nggaulu ivei: ‘Naria saito tona nongare-ngare ri karava bai: pakasadia dala ka Tupu!’ ” Yesaya 40:3

Yohanes 1:27

Ia haitu makava maliu yaku. Tapi Ia naogepa pade yaku sampe nau mombavole lui sapatuNa, ledo masipato yaku.”

Yohanes 3:28

Niepemiu mbotomo tesaku bara ipia. Niuliku yaku ledo Magau Topepakasalama anu nijanji nu Alatala. Yaku aga tona nisuro mokolu ka Magau haitu.

Suro-Suro 16:17

Mombine haitu nongare-ngare ri puri nantuntuni kami gi Paulus. Ia nongare ivei: “Tona hitu batua nu Alatala toNeliu KaogeNa! Ira nakava nompatolele ka komiu berimba komiu mamala rapakasalama!”