Lukas 1:68 - Kaili Ledo

⁶⁸ Niulina, “Ratoiyatamo Alatala, Tupu ntoIsrael! Nakavamo Ia mantulungi kita todea nipelisiNa bo nombakabasaka kita lako ri balita.

Lukas 1:68 Iomraidhean Croise

Lukas 1:71

mompakasalama kita lako ri balita, bo lako ri kuasa ntona nompovuu mata kita.

Lukas 19:44

Ngatamiu ragerosira ngena, bo komiu pura-pura rapatesira. Ledo maria sangu vatu nipakemiu novia ngata hitu rapalambara mosisunju. Haitu pura majadi ngena sabana ledo nipeilimiu tempo hitu Alatala nakavamo mompakasalama komiu.” Naupu i Yesus notesa ivesia, nesuamo Ia riara ngata Yerusalem.

Lukas 2:38

Jadi tempo i Yesus nikeni ri Banua nu Alatala, eva nisuka, neonga muni i Hana, bo nikitanamo i Yesus. Jadi nitoiyana Alatala, bo nitesana Ngana haitu ka pura-pura tona nantongoraka tempona Alatala mombakabasaka toYerusalem lako ri balira.

Lukas 24:21

Kami nanjarumaka Iamo mombakabasaka kita toIsrael lako ri balita. Bongi hitu katalu-mbonginamo Ia namate.

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Efesus 1:7

Kita nikabasaka lako ri pehuku nu dosa sabana raa kamate i Kristus bo posangu rarata nte Ia. Dosata niampungi nu Alatala sabana toveNa anu nelabi kaogena.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.