Lukas 1:35 - Kaili Ledo

³⁵ Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Lukas 1:35 Iomraidhean Croise

Matius 1:18

Iveimo tesa pompoanaka i Yesus Kristus. TinaNa i Maria anu nijanji moberei ante langgai nosanga i Yusuf. Tapi dopame ira noberei, natianamo i Maria lako ri kuasa Nosa Gasa nu Alatala.

Matius 1:20

Tempo i Yusuf da nompekiri patujuna haitu, malaeka nTupu nakava riara pangipina bo nanguli ka ia, “Yusuf, muli i Daud, nee makini raramu mompoberei i Maria, sabana ngana nikatianakana najadi lako ri kuasa Nosa Gasa nu Alatala.

Matius 14:33

Bo ana-anaguruNa riara sakaya haitu nantaputu nombasomba Ia. Nanguli ira, “Nakana mpuumo! Komiumo Ana nu Alatala!”

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Matius 4:3

Bo nakavamo Magau nu Seta nanggaparai Ia bo nanguli, “Ane Komiu Ana nu Alatala, tudumo vatu-vatu hitu majadi kandea!”

Markus 1:1

Hitumo tesa Kareba Belo, tesa i Yesus Kristus, Ana nu Alatala.

Markus 1:24

<>

Lukas 1:27

Malaeka Gabriel nitudu hau mangulika saito randaa, nosanga i Maria. Randaa haitu notengea nte langgai nosanga i Yusuf, muli Magau Daud.

Lukas 1:34

Nanguli i Maria ka malaeka Gabriel, “Yaku hii da narandaa. Berimba anu tutu majadi ri karoku?”

Lukas 1:36

Tora ngena i Elisabet, sampesuvumu. Ono-mbulamo ia natiana. Tano natuamo ia bo niuli ntona nagampa.

Yohanes 1:34

Bo i Yohanes nompapola tesana, “Yaku mboto nanggita kajadia haitu bo nombasabiki: Iamo mai Ana nu Alatala!”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Suro-Suro 8:36

Riara polipara haitu, nikitara uve napara dala. Nanguli toEtiopia, “Peintamo! Moitu uve. Mamala yaku radiu sii-sii?”

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.