Lukas 1:32 - Kaili Ledo

³² Ia rapakaoge nu Alatala bo rakasangai Ana nu Alatala, toNeliu Kaogena. Alatala mompajadi Ia magau mpo totuaNa nggaulu, Magau Daud.

Lukas 1:32 Iomraidhean Croise

Matius 1:1

Iveimo sunju nu muli ntotua i Yesus Kristus, muli Magau Daud, muli i Abraham:

Matius 12:42

Ivesia muni ri Eo Potangara, magau mombine tana Syeba ri sabingga puluna rapakatuvu mpanjili mosanggani-nggani ante komiu anu natuvu sii-sii. Bo ia muni mombasalai pokainggumiu, sabana ia nakava lako ri ngata nakavao ala mangepe pepatuduki Magau Salomo anu nanoto mpuu. Tapi sii-sii naria ri tatangamiu saito anu naogepa bo nanotopa pade Magau Salomo tapi ledo nadota komiu momparasaya tesaNa.”

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Markus 14:61

Tapi i Yesus ledo notingo. Nau ledo nasala, Ia ledo ntoto nesana. Jadi nekutana vai Pakeni nTopanggeni Pesomba, <>

Markus 5:7

Namangga mpuu ia nongare, <>

Lukas 1:15

Ia majadi tomaoge ri panggita nu Alatala. Ia ledo manginu anu nepakalangu. Lako ri pompoanakame, ia rakuasai Nosa Gasa nu Alatala.

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Lukas 1:76

Pade nanguli i Zakharia ka anana, “Iko, anaku, rakasangai nabi nu Alatala toNeliu KaogeNa, sabana iko majadi suro nTupu. Iko manguli ka topangoseaka Tupu, ira kana masadia mantarima Ia.

Lukas 3:16

Nisani i Yohanes pompekirira. Jadi niulikana ira pura-pura, “Yaku mombadiu komiu ante uve, tandana najeamo komiu. Tapi da nariapa saito ngena meonga nelabipa kakuasaNa pade yaku. Naogepa Ia pade yaku sampe nau mombavole lui nu sapatuNa, ledo masipato yaku. Ia mombadiu komiu ante Nosa Gasa, bo apu.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Yohanes 12:34

Bo nanguli todea ka Ia, “Lako ri Buku Atura Agama, nisanita Magau Topepakasalama anu nijanji nu Alatala kana matuvu sampe ri kasae-saena. Jadi berimba sampe niuliMiu Ana nu Manusia kana mamate raanggataka pakalanga ri tinja? Isema Ana nu Manusia haitu?”

Yohanes 6:69

Kami nomparasayamo bo nisani kami, Komiumo ToGasa anu nakava lako nte Alatala.”

Suro-Suro 16:17

Mombine haitu nongare-ngare ri puri nantuntuni kami gi Paulus. Ia nongare ivei: “Tona hitu batua nu Alatala toNeliu KaogeNa! Ira nakava nompatolele ka komiu berimba komiu mamala rapakasalama!”

Suro-Suro 2:30

Alatala nojanji bo nipakarosoNa ante sumpa, kana maria saito lako ri muli i Daud mboto raanggataka majadi magau bara maipia. Nisani i Daud pojanji haitu bo ia muni nabi, jadi nisanina anu rapovia nu Alatala. Nibotona Magau Topepakasalama anu nijanji nu Alatala matuvu mpanjili lako ri kamateNa. I Daud nanguli: ‘Ia ledo rapalamba maboli ri ponturo ntomate, karobataNa ledo maboli riara dayo sampe mapopo majadi avu.’ Mazmur 16:10

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 7:48

Naupa ivesia, Alatala anu Neliu KaogeNa, ledo nonturo ri banua nipovia nu manusia. Apa riara buku nu nabi nitulisi ivei:

Pompakita 3:7

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Filadelfia ivei: “Hitumo tesa lako nte Yaku anu nagasa bo nanoa. Yakumo nantipale gunji nu vamba Poparenta Magau Daud. Ane Yaku mombaungge vamba, ledo ria saitoa tona mamala mombatutuina, bo ane Yaku mombatutui vamba ledo muni maria saitoa tona mamala mombaunggena.