Lukas 1:26 - Kaili Ledo

²⁶ Tempo i Elisabet ono-mbulamo katianana, Alatala nantudu malaekaNa i Gabriel, hau ri ngata Nazaret ri bagia Galilea.

Lukas 1:26 Iomraidhean Croise

Matius 2:23

Bo nonturomo ira ri ngata nosanga Nazaret. Ivesiamo kadupana tesa nTupu nipasimbayu nabi-nabi nggaulu ivei: “Ia rauli ntona toNazaret.”

Lukas 1:19

Nesana malaeka, “Yakumo hii Gabriel. Yaku nasaro nipojoa ri ngayo nu Alatala! Yaku niposumbaNa mompasimbayu kareba belo hitu ka iko.

Lukas 2:39

Naupu pura-pura anu niparenta nu Alatala riara AturaNa nipovia i Yusuf bo i Maria, nanjilimo ira hau ri ngata Nazaret ri bagia Galilea.

Lukas 2:4

Ivesia muni i Yusuf. Ia nalai lako ri ngata Nazaret ri bagia Galilea, hau ri ngata Betlehem ri bagia Yudea, ngata pompoanaka Magau Daud, sabana i Yusuf muli Magau Daud.

Yohanes 7:41

Bo naria muni sanu ira nanguli, “Ia hitumo Magau Topepakasalama anu nijanji nu Alatala!” Tapi naria muni sanu tona nanguli, “Ledo! Magau Topepakasalama ledo makava lako ri bagia Galilea!