Lukas 1:19 - Kaili Ledo

¹⁹ Nesana malaeka, “Yakumo hii Gabriel. Yaku nasaro nipojoa ri ngayo nu Alatala! Yaku niposumbaNa mompasimbayu kareba belo hitu ka iko.

Lukas 1:19 Iomraidhean Croise

Matius 18:10

Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

Lukas 1:20

Anu niuliku pangane majadi mpuu ri tempo nipakatantu nu Alatala! Tapi ledo niparasayamu tesaku, jadi domo mamala iko motesa. Iko mabobo sampe rapoanaka anamu!”

Lukas 1:26

Tempo i Elisabet ono-mbulamo katianana, Alatala nantudu malaekaNa i Gabriel, hau ri ngata Nazaret ri bagia Galilea.

Lukas 2:10

Tapi nanguli malaeka ka ira, “Nee maeka, apa yaku nakava nanggeni kareba belo ka komiu pura-pura, bo kareba haitu mompakadamba pura-pura tona.

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Ibrani 4:14

Jadi nariamo Pakeni nTopanggeni Pesomba anu naoge mpuu, Iamo i Yesus, Ana nu Alatala. Ia noliu ri langi bo nesua ri suruga ri ngayo nu Alatala ala mantulungi kita. Jadi kita kana maroo momparasaya bo nee menonto mangaku i Yesusmo Tuputa.