Lukas 1:17 - Kaili Ledo

¹⁷ Ia majadi suro nu Alatala, naroso bo nakuasa mpo Nabi Elia nggaulu. Ia mompoposinggabelo ana-ana nte tuamara bo tona ledo nangoseaka Alatala rakenina mpanjili ri dala nakana. Pura-pura anu pangane rapoviana ala mompakasadia rara ntodea mantarima Alatala.”

Lukas 1:17 Iomraidhean Croise

Matius 11:14

Bo ane raparasayamiu anu nipopaisanira, rasanimiu i Yohanes hitu nasimbayu ante Nabi Elia, anu nibotora makava mpanjili.

Matius 3:3

I Yohanes hitumo niuli Nabi Yesaya riara Buku Gasa ivei: “Naria tona nongare-ngare ri karava bai ivei: Pakasadiamo dala ka Tupu! Pakanoa dala raoseNa!” Yesaya 40:3

Matius 3:4

I Yohanes haitu nopakea baju nitanu lako ri bulu unta. Ia nosulepe kulimba bo kandeana nggaboro bo manisa.

Lukas 1:16

Madea toYahudi rakenina mpanjili ka Tupura, Alatala.

Lukas 1:76

Pade nanguli i Zakharia ka anana, “Iko, anaku, rakasangai nabi nu Alatala toNeliu KaogeNa, sabana iko majadi suro nTupu. Iko manguli ka topangoseaka Tupu, ira kana masadia mantarima Ia.

Yohanes 1:13

Ira najadi ana-ana nu Alatala ledo sabana nipoanaka ntotuara, atau lako ri dota manusia bara dota ntuamara. Tapi sabana Alatala mboto nompajadi ira anaNa.

Yohanes 1:34

Bo i Yohanes nompapola tesana, “Yaku mboto nanggita kajadia haitu bo nombasabiki: Iamo mai Ana nu Alatala!”

Yohanes 3:28

Niepemiu mbotomo tesaku bara ipia. Niuliku yaku ledo Magau Topepakasalama anu nijanji nu Alatala. Yaku aga tona nisuro mokolu ka Magau haitu.

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Roma 9:23

Ia nosabara nte ira ala mompopakita kambaso nu kaogeNa ka kita anu nipoasiNa bo nipasadiaNa mami lako ri nggauluname manggava bagia ri kaogeNa.

Kolose 1:12

Kami nerapi ala raramiu batena madamba manguli tarima kasi ka Tuamata Alatala, apa Iamo nompakasipato komiu manggava bagia lako ri anu nipakasadiaNa ka pura-pura todeaNa riara PoparentaNa nareme.

2 Timotius 2:21

Jadi ane tona mombakabasaka pura-pura pokaingguna nadaa, ia majadi masimbayu mpo pareva bulava bo salaka rapake mombatande torata. Batuana, ia majadi topokarajaa anu nagasa bo noguna ka Tupuna, bo ia masadia movia mpengaya-ngaya pokarajaa nabelo.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.

1 Yohanes 2:28

Jadi sampesuvu-sampesuvu nipotoveku, kita kana maroo matuvu mosangu rara nte i Kristus ala ledo maeya matata mantingayo Ia, bo ledo maeka rarata tempo Ia makava mpanjili ri dunia.

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.