Lukas 1:11 - Kaili Ledo

¹¹ Tempo haitu saito malaeka nu Alatala neonga nte i Zakharia. Malaeka haitu neangga ri panggana nu meja potunju dupa.

Lukas 1:11 Iomraidhean Croise

Lukas 1:19

Nesana malaeka, “Yakumo hii Gabriel. Yaku nasaro nipojoa ri ngayo nu Alatala! Yaku niposumbaNa mompasimbayu kareba belo hitu ka iko.

Lukas 1:28

Malaeka haitu neonga ri ngayo i Maria bo nanguli, “Heh, Maria. Iko tona nipotove nTupu! Tupu momporoa iko!”

Lukas 2:10

Tapi nanguli malaeka ka ira, “Nee maeka, apa yaku nakava nanggeni kareba belo ka komiu pura-pura, bo kareba haitu mompakadamba pura-pura tona.

Lukas 2:9

Sampesanika neongamo saito malaeka nu Alatala ri sinjorira, bo reme nu Alatala nombavanta ira. Nanggita haitu naeka mpuu ira.

Suro-Suro 5:19

Tapi bongina haitu saito malaeka nu Alatala nombaungge vamba-vamba ntarunggu bo nanggeni suro-suro hau ri savalikuna. Nanguli ia,

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Pompakita 9:13

Naupu haitu malaeka kaaonona nompopomoni tabuena. Bo niepeku naria suara notesa lako ri pata-njoki Lanta Pesomba nipovia lako ri bulava anu naria ri ngayo nu Alatala.