Kolose 4:2 - Kaili Ledo

² Nee masau raramiu mosambaya. Pekiri pakabelo anu raulimiu ka Tupu, bo masaro manguli tarima kasi nte Ia.

Kolose 4:2 Iomraidhean Croise

Matius 26:41

Komiu kana mainga pura bo mosambaya ala komiu ledo mambela pesori! Komiu madota movia anu mabelo, tapi ledo nipakulemiu sabana komiu manusia nalente.”

Markus 13:33

Jadi mainga-ingamo bo jagaimo, apa ledo nisanimiu maipia Yaku makava.

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Suro-Suro 1:14

Ira nasaro nasiromu nosangu rara nosambaya. I Maria tina Yesus, ante bara sako-ndua mombine ntanina, bo sampesuvu-sampesuvu i Yesus nasiromu muni nosambaya nosanggani-nggani ante ira.

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Kolose 2:7

Katuvumiu nosangu rara nte Ia kana masimbayu mpo kayu nandate kalena, bo banua da kapombangu-banguna ri bavo pandasi naroso. Komiu kana mantambai karoso pomparasayamiu, evamo nipatuduki ka komiu. Bo komiu kana masaro mosukuru nte Alatala.

Kolose 3:15

I Kristus nompoposinggabelo kita. Jadi nee rapoviata anu mombagerosi posinggabelo haitu, sabana kita nipokio nu Alatala ala kita pura-pura matuvu mosinggabelo mpo sipa-sipa nu karo sangu. Bo nee menonto motarima kasi nte Alatala.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.