Kolose 3:4 - Kaili Ledo

⁴ I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.

Kolose 3:4 Iomraidhean Croise

Matius 13:43

Tapi tona nanoa pokaingguna kana mareme eva mata eo riara Poparenta nTuamara Alatala. Isema-sema naria talinga, pariaramo tesaKu hitu!”

Lukas 17:30

Ivesia muni pokainggu ntona bara maipia tempo Yaku, Ana nu Manusia makava.

Yohanes 11:25

Nanguli i Yesus ka i Marta, “Yakumo anu nompakatuvu mpanjili tona namate bo Yakumo nombadekei katuvua nabelo. Isema-sema nomparasaya Yaku, nau ia mamatemo, ia batena matuvu mabelo.

Yohanes 14:3

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Suro-Suro 3:15

Komiumo nombatudu tona nompatesi Ia, tano Iamo topombadekei katuvu nabelo sampe ri kasae-saena ka manusia. Bo Alatala nompakatuvu mpanjili Ia lako ri kamateNa. Kami najadi sabiNa, sabana kami mboto nanggita i Yesus natuvu mpanjili.

Roma 8:18

Niparasayaku kasusa bo kapari nirasaita sii-sii damo njongona ane rapoposisala ante kabelo rarasaita bara maipia.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

1 Korintus 1:7

Jadi, ledo ntoto nakura pompakule nidekei nu Nosa Gasa ka komiu sii-sii, komiu ranja nantongoraka peonga nTuputa i Yesus Kristus mpanjili ri dunia.

1 Korintus 15:43

Karobata anu nitana ledo namala novia nuapa-nuapa bo nadaa nikita. Tapi ane rapakatuvu mpanjili, maroso bo magaya rakita.

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.

1 Tesalonika 4:17

Naupu haitu, kita da natuvu tempo haitu, raoretaka mosanggani-nggani ante ira riara kulimu mosinggava nte i Pue Yesus ri laerava, pade matuvu mosanggani-nggani ante i Pue sampe ri kasae-saena.

1 Timotius 6:14

Oseaka puramo parenta hitu ante mpuu-mpuu raramu bo ante pokainggu anu ledo masipato rasalai ntona, sampe makava mpanjili Tuputa i Yesus Kristus.

2 Timotius 1:1

Timotius, iko nipotoveku mpo anaku mboto: Sura hitu lako nte yaku, i Paulus. Nangoseaka dota nu Alatala, yaku nianggatakaNa majadi suro i Yesus Kristus ala mompatolele kareba anu nantesa katuvu mabelo sampe ri kasae-saena anu nijanji nu Alatala. Kita nanggava katuvu nabelo haitu sabana kita nosangu rara nte i Yesus Kristus. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.

1 Petrus 5:4

Bo tempo i Kristus, Topoevu Nopoko, makava mpanjili ri dunia, radekeiNa ka komiu tambo, haitumo bagia ri kuasaNa bo kaogeNa anu ledo maupu-upu.

1 Yohanes 2:28

Jadi sampesuvu-sampesuvu nipotoveku, kita kana maroo matuvu mosangu rara nte i Kristus ala ledo maeya matata mantingayo Ia, bo ledo maeka rarata tempo Ia makava mpanjili ri dunia.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.

1 Yohanes 5:12

Jadi, isema-sema natuvu nosangu rara ante Ana nu Alatala, ia matuvu mabelo sampe ri kasae-saena. Tapi isema-sema ledo natuvu nosangu rara ante Ia ledo matuvu mabelo sampe ri kasae-saena.

Yudas 1:24

Ratoiyatamo Alatala sabana Ia nakuasa nombajagai kita ala ledo rakabasakata pomparasayata. Ia nakuasa manggeni kita hau ri suruga mantingayo Ia riara kaogeNa, bo ledo maria salata, bo melabi kadamba rarata.

Pompakita 2:7

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi kana Kudekei mangande vua lako ri Kayu Katuvua anu naria riara Pampa nu Alatala ri suruga.”

Pompakita 22:1

Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,

Pompakita 22:14

Nabelo mpuumo tona notoposi pakeana sampe nagasa, apa iramo rapaloga mangande vua lako ri Kayu Katuvua. Iramo rapaloga mesua riara ngata haitu mangose bobaa.