Kolose 3:3 - Kaili Ledo

³ Apa katuvumiu nadosa nireke namatemo. Bo katuvumiu nabaru dopa nikita ntoto, nasimbayu mpo kaoge i Kristus dopa muni nikita ntoto, apa Alatala dopa nompopakitana.

Kolose 3:3 Iomraidhean Croise

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Yohanes 5:40

Tapi naupa komiu natutu neguru Buku Gasa, komiu bate-batena ledo nadota momparasaya Yaku ala rakavamiu katuvua mabelo haitu.

Roma 5:10

Bara ipia, tempo kita da nangeva Alatala, nidekeiNa AnaNa mamate mombasambei kita, ala kita rapoposinggabelo mpanjili ante Ia. Sii-sii kita nosinggabelomo ante Alatala, jadi natantumo kita rapakasalama lako ri pehuku bara maipia, sabana i Kristus bate-batena natuvu.

Roma 5:21

Bara ipia dosa nakuasa riara nggatuvu manusia sampe pura-pura manusia kana mamate bo rapopogaa lako nte Alatala. Tapi sii-sii, pepotove nu Alatala nakuasa riara nggatuvuta. Apa lako ri pepotoveNa haitu, Alatala nombareke kita nanoa ri panggitaNa bo nidekeiNa ka kita katuvua nabelo sampe ri kasae-saena. Haitu pura nipoviaNa sabana Tuputa i Yesus Kristus.

Roma 6:11

Ivesia muni kita, kita kana rareketa namatemo nosanggani-nggani nte i Kristus bo nikabasakamo lako ri kuasa nu dosa. Jadi sii-sii kita kana matuvu bo mompakadamba rara nu Alatala, sabana kita nosangu rara ante i Yesus Kristus.

Roma 6:2

Tantu ledo! Ledo masipato kita bate-batena movia dosa, sabana namala raulita kita namate nosanggani ante i Kristus ala kita domo rakuasai nu dosa.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

1 Korintus 15:45

Riara Buku Gasa naria nitulisi ivei: “Manusia paratama, i Adam, nipakatuvu nu Alatala.” Kajadia 2:7 Tapi i Adam kaupuna, haitumo i Kristus, nombadekei katuvu nabelo sampe ri kasae-saena.

1 Korintus 2:14

Tona nangoseaka dotana mboto bo ledo naria Nosa Gasa nu Alatala nte ia, ledo nitarimana pepatuduki lako nte Nosa Gasa sabana nirekena pepatuduki haitu aga tesa ntodoyo. Ledo nipakulena mombapaha batuana sabana pepatuduki haitu aga namala rapaha ntona ante pekeniaka Nosa Gasa.

2 Korintus 5:14

Tove i Kristus nombakuasai kami sampe kami nokainggu ivesia. Apa niparasaya kami, saito tona namate nanjambei kita pura-pura, jadi nasimbayu mpo kita pura-pura namate.

2 Korintus 5:7

Apa kita natuvu ri dunia hitu lako ri pomparasayata ledo lako ri anu nikitata.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Efesus 3:9

Yaku nidekeika pokarajaa muni mompopaisani ka pura-pura tona berimba Alatala nompakadupa niaNa, haitumo, niaNa mompopakasangu toYahudi bo tona ledo toYahudi lako ri posangu rarara nte i Kristus. Lako ri lamba pamulana, Alatala Topompajadi dunia hitu dopa nompopaisani niaNa haitu.

Filipi 4:7

Bo ane radekeimiu kakini raramiu ka Alatala, radekeiNa katinonto ka komiu anu ledo rapakule nu manusia mompahana. Ia mompakatinonto raramiu bo pekirimiu sabana komiu nosangu rara ante i Yesus Kristus.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

Kolose 2:20

Namala raulita kita topomparasaya i Kristus namate nosanggani-nggani nte Ia, bo nikabasaka lako ri kuasa malaeka-malaeka nadaa anu nombakuasai dunia. Jadi nakuya komiu da nangoseaka atura-atura ri dunia hitu nasimbayu mpo tona dopa nosisani nte i Kristus?

Kolose 2:3

I Kristusmo topompopaisani pura-pura noto bo pangisani nu Alatala anu dopa nisani ntona.

Kolose 3:4

I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

1 Petrus 3:4

Tapi kagayamiu kana mopuna lako riara ntaimiu, haitumo lako ri inggumiu nalusu bo natinonto. Haitumo kagayana anu ledo ntoto malipo bo noali mpuu ri panggita nu Alatala.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.

Pompakita 2:17

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi, Kudekei ka ia roti Manna anu nitabuniaka. Bo Kudekei muni vatu nabula simbo sangu ka ira. Ri vatu nabula haitu nitulisi sanga nabaru anu ledo ntoto nisani ntona ntanina, aga tona mantarima vatu nabula haitu mangisanina.”