Kolose 3:25 - Kaili Ledo

²⁵ Tapi isema-sema movia anu nadaa rabalasi ante pehuku masipato ka daa nipoviana, sabana Tupu ledo nompelenje.

Kolose 3:25 Iomraidhean Croise

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Lukas 20:21

Tona nitudura pangane hau nte i Yesus bo nanguli, “Guru, nisani kami pura-pura tesaMiu bo anu nipepatudukikaMiu nakana. Nisani kami muni Komiu ledo nompelenje, Komiu nanoa nompatuduki pakalanto dota nu Alatala ka manusia.

Suro-Suro 10:34

Naupu haitu i Petrus nanguli ka ira, “Sampesuvu-sampesuvu, hitupa nisanikumo Alatala ledo nompelenje nanggita manusia.

Roma 2:11

sabana Alatala ledo nompelenje.

2 Korintus 5:10

Apa kita pura-pura kana mantingayo i Kristus bara maipia ala ratangaraNa. Maupu ratangaraNa, simbo rakavata anu nipakatantu nangoseaka anu nipoviata tempo kita natuvu ri dunia hitu, bara povia nabelo bara povia nadaa.

Efesus 6:8

Pariaramo! Isema-sema novia nabelo, nau ia batua atau ledo batua, kana rakavana balasina nabelo lako nte i Pue.

Efesus 6:9

Bo komiu anu najadi tua atau madika, komiu muni kana mokainggu mabelo nte batuamiu. Nee momparangga ira, sabana nisanimiu mboto Tupumiu bo Tupura aga saito. Iamo naria ri suruga bo Ia ledo nompelenje.

Kolose 4:1

Sampesuvu-sampesuvu anu najadi tua. Komiu kana mokainggu masipato bo manoa nte batua-batuamiu. Toramo, komiu muni naria Tupumiu ri suruga!

1 Tesalonika 4:6

Nee movia dosa ka sampesuvumiu sampomparasaya bo nee rabagiu ia ante mangala bereina, sabana Alatala mombahuku pura-pura tona nokainggu ivehaitu. Haitu pura-pura nipatuduki bo nipopatora kami ka komiu bara ipia.

2 Tesalonika 1:6

Alatala nanoa, jadi rabalasiNa tona anu nompandasa komiu,

Filemon 1:18

Bo ane ia nompakarugi iko bara noinda nte iko, damo yaku mombatangguna.

Ibrani 2:2

Atura nTupu anu nipapola nu malaeka-malaeka ka totuata nggaulu, nakana bo kana raoseaka. Isema-sema nombaliunaka Atura haitu atau ledo nangoseaka Atura haitu, nikavana pehuku nangoseaka poviana.

1 Petrus 1:17

Sampesuvu-sampesuvu, komiu nanggasangai Alatala Tuamamiu tempo komiu nosambaya. Jadi komiu kana matuvu mekou nte Ia ane komiu da nonturo mpo topesovo ri dunia hitu. Apa Iamo mombatangara pura-pura tona nangoseaka pokainggura mboto bo Ia ledo nompelenje.

Yudas 1:16

Guru-guru mpodava gahaitu batena nongau bo nompakasala tona ntanina. Ira natuvu nangoseaka dota rarara nadaa. Ira nangoe nompakalanga karora mboto bo notesa namomi ala raoseaka ntona dotara.