Kolose 3:13 - Kaili Ledo

¹³ Nee raboli riara tesa nu roa. Ane maria kodi raramiu, posiampungimo. Ampungimo tona movia sala nte komiu ante mpuu-mpuu raramiu, nasimbayu mpo i Pue nombaampungi dosamiu.

Kolose 3:13 Iomraidhean Croise

Matius 5:44

Tapi Kuuli ka komiu, potovemo balimiu bo posambayaka tona nompandasa komiu.

Matius 6:12

Bo ampungi sala kami, nasimbayu eva kami muni nombaampungi tona novia sala nte kami.

Markus 11:25

Bo ane komiu mosambaya, ampungi ntani tona novia sala nte komiu, ala komiu muni raampungi nTuamamiu ri suruga.

Lukas 11:4

Ampungimo dosa kami mpo kami muni nombaampungi pura-pura tona nasala nte kami. Bo nee rapalamba kami rapesori.’ ”

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Roma 15:7

Jadi sampesuvu-sampesuvu, kita kana mositarima belo, nasimbayu mpo i Kristus nantarima kita. Ane mositarima belo kita, Alatala rabila bo ratoiya ntona.

2 Korintus 2:10

Jadi hitupa naganamo. Isema-sema niampungimiumo, niampungiku munimo. Ane rapana tona haitu paraluu kuampungi, niampungikumo ri panggita i Kristus ala manggeni belo ka komiu pura-pura.

2 Korintus 6:6

Riara mpengaya haitu, nalantomo kami mpuu-mpuu batua nu Alatala, apa pokainggu kami nagasa, nisani kami Tesa nu Alatala, kami nosabara bo nabelo rara nte tona. Nosa Gasa nokarajaa riara nggatuvu kami bo kami nompotove tona ntanina ante rara mpuu-mpuu.

Galatia 6:2

Ane roamiu sampomparasaya nombarasai susa bo pari, tulungimo ia. Apa ane komiu mositulungi, komiu mangoseaka parenta i Kristus.

Efesus 4:2

Komiu kana matuvu ante ede rara. Komiu kana malusu raramiu, bo kana mandoe posabaramiu. Nee makodi raramiu nte roa, tapi positulungimo sabana tovemiu.

Efesus 4:32

Tapi kana mabelo raramiu nte roa bo mosipoasi mata. Komiu kana mosiampungi, nasimbayu mpo Alatala nombaampungi komiu sabana komiu nosangu rara nte i Kristus.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

Kolose 3:12

Sampesuvu-sampesuvu, kita nipotove nu Alatala bo nipelisiNa majadi todeaNa nagasa. Haitu sampe kita kana maasi matata manggita roa. Kita kana mabelo rara, maede rara, malusu rara, bo mosabara nte roa.

Yakobus 2:13

Isema-sema ledo naasi matana nanggita roana, Alatala ledo maasi mataNa manggita ia. Ane tona naasi matana nanggita roana, ledo paraluu ia maeka apa ia ledo rahuku nu Alatala.

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.