Kolose 3:11 - Kaili Ledo

¹¹ Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Kolose 3:11 Iomraidhean Croise

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

Yohanes 15:5

Yakumo hii valaa anggur bo komiumo tu tinggu-tingguna. Ane komiu maroo mosangu rara nte Yaku bo Yaku maroo mosangu rara ante komiu, komiu movua madea. Tapi ane komiu mogaa lako nte Yaku, ledo rapakulemiu movia nuapa-nuapa.

Yohanes 17:23

Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Suro-Suro 28:2

Tona nonturo ri levuto haitu najole mpuu nte kami. Nikadambanakara kami pura-pura ante belo bo nipanakira apu rapanderu kami, sabana naranindi bo nompamulamo nauda.

Suro-Suro 28:4

Nikita ntupu ngata ule haitu noloe ri pale i Paulus, nisarumakara i Paulus mamate. Nosimpotesamo ira, “Natantumo tona moitu topepatesi, apa nau ia nasalamamo lako ri tasi, Viata Topotangara ledo mompalamba ia matuvu.”

Roma 1:14

Yaku madota mosinggava nte komiu sabana kana kupatolele Kareba Belo ka pura-pura tona ri dunia, ledo nipelisiku bara tona ri kota, bara tona ri bulu, bara toposikola bara ledo.

Roma 10:12

Tesa-tesa hitu nambela ka pura-pura tona sabana ledo ria posisalana toYahudi bo tona ledo toYahudi. Aga saito Alatala, bo Ia Tupu nu manusia pura-pura. Ia nabelo raraNa nte pura-pura tona anu nekakai nte Ia.

Roma 3:22

Haitumo, Alatala mombareke kita nanoa ane kita nomparasaya i Yesus Kristus. Isema-sema nomparasaya i Kristus, tantu rareke nu Alatala nanoa, sabana Alatala ledo nompelenje.

Roma 3:29

Tantumo Alatala ledo aga Alatala ntoYahudi, tapi Alatala ntona ledo toYahudi muni.

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

1 Korintus 14:11

Tapi ane ledo nisanita batua nu basa nipake ntona, tantu rareketa tosangatana ia, bo ivesia muni kita rareke ntona haitu tosangatana ane raepena basa nipaketa.

1 Korintus 7:19

Apa ledo ria gunana ane kita mangoseaka ada posuna bo ledo muni naria gunana ane kita ledo mangoseaka ada haitu. Anu noguna ntoto, haitumo, mangoseaka parenta-parenta nu Alatala.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Efesus 1:23

bo kita todea topomparasaya nirapaka karoNa. Todea topomparasaya nipakagana i Kristus anu nompakagana pura-pura nuapa naria, ri umba-umba ri dunia bo ri suruga.

Efesus 2:14

I Kristus mbotomo nompoposinggabelo kita. Ia nompopakasangu toYahudi bo tona ledo toYahudi. Ia nombadekei karoNa mboto rapatesi manjambei kita, bo ante kamateNa haitu nikabasakaNa kita lako ri Atura-atura agama Yahudi ante pura-pura parenta bo pepatudukina. Haitu nipoviaNa ala mompakaupu posieva anu nirapaka tembo anu nompopogaa toYahudi bo tona ledo toYahudi. Jadi kami toYahudi bo komiu tona ledo toYahudi nipoposinggabeloNa ala kita majadi manusia nabaru anu nosangu rara ante Ia. Ivesiamo Ia nompoposinggabelo kita.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Efesus 3:6

Iveimo nia nipopaisaniNa: tona ledo toYahudi mantarima belo lako nte Alatala mosanggani-nggani ante toYahudi. Bo tona ledo toYahudi mosanggani-nggani nte toYahudi majadi sipa-sipa ri sangu karo, haitumo karo i Kristus. Bo ratarimara munimo pura-pura anu nijanji nu Alatala ka tona nosangu rara nte i Yesus Kristus. Pura-pura haitu ratarimara sabana niparasayara Kareba Belo.

Efesus 6:8

Pariaramo! Isema-sema novia nabelo, nau ia batua atau ledo batua, kana rakavana balasina nabelo lako nte i Pue.

Kolose 2:10

Bo komiu natuvu mpuu bo ledo nakura nuapa-nuapa sabana komiu nosangu rara ante i Kristus. I Kristus nalangapa nturoNa pade pura-pura anu nakuasa bo anu nomparenta ri suruga bo dunia.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

2 Yohanes 1:9

Isema-sema nasalandala lako ri pepatuduki nakana bo ledo nioseakana pepatuduki i Kristus, ia ledo nosangu rara nte Alatala. Tapi isema-sema naroo nangoseaka pepatuduki i Kristus, ia nosangu rara nte Tuamata Alatala bo i Yesus, Ana nu Alatala.