Kolose 2:9 - Kaili Ledo

⁹ Apa nau i Kristus najadi manusia, pura-pura inggu bo kuasa nu Alatala naria riara karoNa bo ledo nakura nuapa-nuapa.

Kolose 2:9 Iomraidhean Croise

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Lukas 14:22

Jadi naupu nipoviana pura-pura anu niparenta ka ia, niulinamo, ‘Tua, nipoviakumo anu niulimiu. Nadea tona nakava tapi da nariapa ponturo naloga.’

Lukas 3:22

bo Nosa Gasa nolenje mpo tonji banggebodo, netuu nte Ia. Pade naria suara lako ri suruga nanguli, “Ikomo AnaKu nipotoveKu. Ikomo nompakadamba raraKu.”

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Yohanes 10:30

Yaku bo TuamaKu ledo ria posisalana, aga saito.”

Yohanes 10:38

Tapi nipoviaKu pokarajaa haitu jadi kana raparasayamiumo Yaku. Nau ledo madota komiu momparasaya tesaKu, kana raparasayamiu sabana anu nipoviaKu. Ivesiamo rasanimiu mpuu-mpuu Yaku nosangu rara nte TuamaKu bo TuamaKu muni nosangu rara nte Yaku.”

Yohanes 14:20

Ane makavamo tempo haitu, rasanimiumo Yaku nosangu ante TuamaKu bo komiu muni nosangu ante Yaku, bo Yaku nosangu ante komiu.

Yohanes 17:21

Tata, Kuperapi ala ira pura-pura mosangu rara nasimbayu mpo Yaku nosangu rara nte Komiu bo Komiu nosangu rara nte Yaku. Kuperapi ala ira muni mosangu rara nte Kita ala pura-pura manusia momparasaya Komiumo anu nantudu Yaku hitu.

Yohanes 2:21

Tapi banua nu Alatala nipatuju i Yesus haitumo karoNa mboto.

Suro-Suro 17:29

Jadi sampesuvu-sampesuvu, kita hii ana-ana nu Alatala. Sabana haitu, ledo mamala kita mompakasimbayu Alatala ante lenje nipovia lako ri bulava bara salaka bara vatu, nantuntuni kapande nu manusia.

2 Korintus 5:19

Jadi siimo kareba nipatolele kami: Alatala nompoposinggabelo mpanjili manusia nte Ia sabana anu nipovia i Kristus. Domo nirekeNa dosa-dosata. Bo niparasayaNa ka kami pokarajaa mompatolele TesaNa ka tona ntanina ala ira muni mamala mosinggabelo nte Ia.

Kolose 1:19

Dota nu Alatala mboto sampe pura-pura ingguNa bo kuasaNa naria muni nte AnaNa, bo ledo ria nakura.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

1 Yohanes 5:7

Jadi, ivesiamo Alatala nompakalanto ka kita i Yesusmo AnaNa: Nosa Gasa nosabiki i Yesus Ana nu Alatala. Bo anu najadi tempo Ia nidiu bo tempo Ia namate, haitu muni nompakalanto Ia Ana nu Alatala. Talu-ngaya hitu nasimbayu posabira, haitumo, i Yesus Ana nu Alatala.