Kolose 2:7 - Kaili Ledo

⁷ Katuvumiu nosangu rara nte Ia kana masimbayu mpo kayu nandate kalena, bo banua da kapombangu-banguna ri bavo pandasi naroso. Komiu kana mantambai karoso pomparasayamiu, evamo nipatuduki ka komiu. Bo komiu kana masaro mosukuru nte Alatala.

Kolose 2:7 Iomraidhean Croise

Lukas 6:48

ia nasimbayu mpo topovia banua. Nikaena pakandala tana bo nipoviana pandasi vatu. Tempo lono bo uve binangga nanggabuntu nodala ri banua, banua haitu ledo nogoya sabana pandasina naroso.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

1 Korintus 1:8

Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

2 Korintus 1:21

Alatala mboto mompakaroso kita pura-pura ala kita mosangu rara ante i Kristus. NipelisiNa kita majadi todeaNa

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Efesus 4:21

Niepemiumo karebaNa, bo komiu nosangu rara nte Ia, jadi natantu komiu nipatudukika pepatuduki nakana anu notesaki i Yesus.

Efesus 5:20

Komiu kana masaro motarima kasi nte Tuamata Alatala ka pura-pura anu najadi. Ulimo tarima kasi ka Ia sabana komiu nosangu rara nte Tuputa Yesus Kristus.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

1 Tesalonika 5:18

Bo uli tarima kasi ka Alatala nau damo nuapa majadi, sabana haitumo dota nu Alatala ka komiu anu nosangu rara ante i Yesus Kristus.

Ibrani 13:15

Jadi ante petulungi i Yesus, kita kana masaro manggeni pesombata ka Alatala. Kita kana mombatoiya Ia bo manguli tarima kasi ka Ia, apa haitumo nireke pesombata.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.

Yudas 1:20

Sampesuvu-sampesuvu nipotoveku, posipakaroso pomparasayamo komiu nangoseaka pepatuduki nakana, sabana pepatuduki niparasayata haitu nagasa mpuu. Bo posambayamo ante pekeniaka Nosa Gasa nu Alatala.

Yudas 1:24

Ratoiyatamo Alatala sabana Ia nakuasa nombajagai kita ala ledo rakabasakata pomparasayata. Ia nakuasa manggeni kita hau ri suruga mantingayo Ia riara kaogeNa, bo ledo maria salata, bo melabi kadamba rarata.