Kolose 2:3 - Kaili Ledo

³ I Kristusmo topompopaisani pura-pura noto bo pangisani nu Alatala anu dopa nisani ntona.

Kolose 2:3 Iomraidhean Croise

Matius 10:26

“Tapi nau rasalai ntona komiu, nee maeka nte tona mangeva komiu. Apa pura-pura anu nakana, anu nitabuniaka sii-sii kana malanto rakita ngena. Pura-pura rahasia sii-sii kana rasani ntonamo bara maipia.

Lukas 11:49

Sabana haitu, Noto nu Alatala nanguli pakalanto ivei: ‘Nabi-nabi bo suro-suroKu Kutudu hau nte ira gahaitu. Sanu rapatesira, bo sanu rapandasara.’ Alatala nanguli ivesia sabana nisaniNa komiu anu natuvu sii-sii nasimbayu kadaamiu ante totuamiu nggaulu.

Roma 11:33

Nambaso mpuu kabelo nu Alatala! NotoNa bo pangisaniNa ledo ria pantaana! Ledo ria saitoa nompakule mombapaha pobotusiNa, atau mompakalanto anu nipoviaNa.

1 Korintus 1:24

Tapi ane tona nipokio nu Alatala majadi todeaNa, nau toYahudi, nau toYunani, nisanira kamate i Kristus haitu nompopakita kuasa bo kapande nu Alatala ka ira.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

Efesus 1:8

ToveNa haitu nipopelabiNa ka kita bo Ia muni mpuu-mpuu nompakanoto rarata bo nompopaisani patujuNa ka kita.

Kolose 1:19

Dota nu Alatala mboto sampe pura-pura ingguNa bo kuasaNa naria muni nte AnaNa, bo ledo ria nakura.

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

Kolose 3:3

Apa katuvumiu nadosa nireke namatemo. Bo katuvumiu nabaru dopa nikita ntoto, nasimbayu mpo kaoge i Kristus dopa muni nikita ntoto, apa Alatala dopa nompopakitana.

2 Petrus 1:5

Alatala nabelo mpuu nte komiu, jadi haitumo sabana komiu kana mpuu-mpuu mompasimbuku ala pomparasayamiu mosinggeni nte pokainggu nabelo. Bo kana rasanimiu dota nu Alatala.

Pompakita 2:17

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi, Kudekei ka ia roti Manna anu nitabuniaka. Bo Kudekei muni vatu nabula simbo sangu ka ira. Ri vatu nabula haitu nitulisi sanga nabaru anu ledo ntoto nisani ntona ntanina, aga tona mantarima vatu nabula haitu mangisanina.”