Kolose 2:21 - Kaili Ledo

²¹ Nakuya komiu da nangoseaka atura-atura evamo: Nee manggingisi hitu! Nee rapetami kandea haitu! Nee mantui anu nipopali!

Kolose 2:21 Iomraidhean Croise

2 Korintus 6:17

“Jadi, palaisimo tona anu ledo nosisani nte Yaku, bo kavaosimiumo ira! Ane ledo ratuimiu anu naruto ri panggitaKu, Kutarima komiu.” Yesaya 52:11

Kolose 2:20

Namala raulita kita topomparasaya i Kristus namate nosanggani-nggani nte Ia, bo nikabasaka lako ri kuasa malaeka-malaeka nadaa anu nombakuasai dunia. Jadi nakuya komiu da nangoseaka atura-atura ri dunia hitu nasimbayu mpo tona dopa nosisani nte i Kristus?

Kolose 2:22

Atura-atura ivehaitu ledo ria gunana ka kita sabana atura haitu aga notesa kandea bo anu nipake sampalai bo nalipo. Kakanana atura-atura haitu aga nopuna lako ri parenta-parenta bo pepatuduki manusia.

1 Timotius 4:3

Nipatudukira tona nee moberei bo nee mangande kandea nipopali. Tano kandea haitu nipajadi nu Alatala rakande. Kita topomparasaya i Kristus, nisanita pepatuduki nakana, bo kandea haitu namala rakandeta ante manguli tarima kasi nte Alatala.