Kolose 2:11 - Kaili Ledo

¹¹ Kita nosangu rara ante i Kristus jadi kita nireke nisuna. Tapi posunata haitu ledo anu nipovia nu manusia ri karota tapi anu nipovia i Kristus riara ntaita. Batuana, kita nikabasaka lako ri kuasa nu dosa.

Kolose 2:11 Iomraidhean Croise

Markus 14:58

< >>

Lukas 2:21

Nagana valu-eo umuru nu ngana, nipoviaramo ada posuna. Pade nipoposangara ngana haitu i Yesus, nangoseaka tesa nu malaeka ka i Maria, dopame i Yesus nikatianaka ntinaNa.

Suro-Suro 17:24

Alatala nompajadi dunia bo pura-pura isina. Iamo Tupu nu langi bo tana. Bo Ia ledo nonturo ri banua pesomba nipovia nu manusia.

Suro-Suro 7:48

Naupa ivesia, Alatala anu Neliu KaogeNa, ledo nonturo ri banua nipovia nu manusia. Apa riara buku nu nabi nitulisi ivei:

Roma 2:29

Tapi toYahudi anu mpuu-mpuu todea nu Alatala, haitumo tona mpuu-mpuu rarana nangoseaka Alatala. Bo tona mpuu-mpuu nisuna, nisuna riara ntaira. Batuana, ira najadi todea nu Alatala sabana pokarajaa Nosa Gasa nu Alatala riara ntaira, ledo sabana pangoseakara atura-atura nitulisi. Tona ivehaitu ratoiya nu Alatala, nau ledo nitoiya nu manusia.

Roma 6:6

Nisanita katuvuta nokolu nireke namate nosanggani-nggani ante i Kristus ri kayu salib, ala kuasa nu dosa riara nggatuvuta rapakaropu, bo kita domo rakuasai nu dosa.

Roma 7:24

Nasilaka mpuumo yaku! Isemamo mamala mombakabasaka yaku lako ri karo anu nanggeni kamate hitu?

2 Korintus 5:1

Karota ri dunia hitu nirapaka tenda niponturota sampalai. Bo nisanita ane mageromo tenda hitu, Alatala mombadekei ka kita banua ri suruga anu ledo nipovia manusia bo bate-batena sampe ri kasae-saena, haitumo karo nabaru.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.

Efesus 4:22

Haitumo, komiu nipatuduki mombakabasaka katuvu njaemiu ante pokainggu nituntunimiu tempo komiu dopa nomparasaya i Yesus. Dota rara nadaa nituntunimiu tempo haitu nombabagiu komiu bo nompakagero katuvumiu.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Kolose 3:5

Sabana haitu, kabasakamo pokainggu-pokainggu anu nopuna lako ri dunia nadaa hitu. Nee mosipogau ante tona ledo bereimiu mboto, nee movia pokainggu anu ledo masipato, nee mangoseaka dota raramiu nabuga bo dota-dota ntanina anu nadaa. Bo nee muni maoge rara manggava melabipa pade tona ntanina, sabana anu nipooge rarata haitumo najadi anu nisombata, bo haitu nasimbayu nte metupu nte tupu ntanina.

Ibrani 9:11

Tapi i Kristus nakava mpo Pakeni nTopanggeni Pesomba anu nanggeni kabelona nirasaita mamimo. Ia noliu riara Tenda nTupu anu nelabi kaogena bo nelabi kabelona pade Tenda nTupu ri dunia hitu, bo nesua ri Tombi Nelabi Kagasana ri suruga. Tenda nTupu ri suruga haitu ledo nipovia mpale manusia, batuana, ledo nopuna lako ri dunia hitu. Tempo i Kristus nesua ri Tenda haitu aga sanggani sampe ri kasae-saena. Ia ledo nanggeni raa ntovau lakina atau raa ana japi rapesombaNa, tapi raaNa mboto nikeniNa. Ivesiamo Ia nombakabasaka kita lako ri dosata sampe ri kasae-saena.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.