Kolose 1:11 - Kaili Ledo

¹¹ Kami nerapi ala Alatala mompakaroso raramiu ante pura-pura kuasaNa, nangoseaka barakaNa anu naoge mpuu, ala rapakulemiu mosabara nau bara nuapa majadi bo ledo molengga-lengga raramiu.

Kolose 1:11 Iomraidhean Croise

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

1 Korintus 16:13

Komiu kana mainga bo nee menonto momparasaya i Kristus. Komiu kana maroso bo nee maeka ka nuapa-nuapa.

2 Korintus 4:7

Kami manusia nalente niparasayaka pokarajaa nabelo mpuu, jadi kami nasimbayu mpo kura tana biasa, tapi isina noali mpuu. Alatala novia ivehaitu ala rasani ntona karoso nipokumaaka mombatui pokarajaa hitu, ledo nopuna lako nte kami mboto, tapi nopuna lako nte Ia.

Efesus 3:16

Naoge mpuu kuasa bo kabelo nu Alatala! Jadi kuperapi ala Ia mpuu-mpuu mompakaroso rara ntaimiu ante Nosa GasaNa

Efesus 4:2

Komiu kana matuvu ante ede rara. Komiu kana malusu raramiu, bo kana mandoe posabaramiu. Nee makodi raramiu nte roa, tapi positulungimo sabana tovemiu.

Efesus 6:10

Kaupuna, komiu kana maroso ante kuasa nitarimamiu lako ri kuasa nTupu anu nabaraka, apa komiu nosangu rara ante Ia.

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

2 Petrus 1:6

Komiu kana mombakuasai karomiu mboto bo mosabara nau bara nuapa majadi. Komiu kana batena matuvu mangoseaka dota nu Alatala,

Yudas 1:25

Aga Ia saito-itoNa Alatala. Iamo nompakasalama kita sabana anu nipovia nTuputa Yesus Kristus. Jadi ratoiyatamo Ia, apa Iamo Alatala anu nelabi kaogeNa, Magau nipokumaaka. Iamo nabaraka bo nakuasa lako ri lamba pamulana, sampe sii-sii, bo sampe ri kasae-saena! Amin! Tabe lako nte yaku, Yudas

Pompakita 14:12

Anu nopoko ri sii, todea nu Alatala kana maroo momparasaya bo mosabara tempo mombarasai susa, haitumo ira anu nangoseaka parenta-parenta nu Alatala bo ledo nenonto nomparasaya i Yesus.”