Ibrani 9:8 - Kaili Ledo

⁸ Lako ri atura haitu Nosa Gasa nu Alatala nompopaisani ka kita ivei: ane da naria Tenda pamulana haitu, batuana dopa nibuka dala mesua sampe ri ngayo nu Alatala ri Tombi Nelabi Kagasana.

Ibrani 9:8 Iomraidhean Croise

Lukas 1:80

Ana i Zakharia haitu, kasae-sae kambaso-mbaso karona bo kanoto-noto rarana. Nambasopa, haumo ia nonturo ranggarava bai, nantongoraka gantana ia mompamula mompatolele tesa nu Alatala ka toYahudi.

Yohanes 10:7

Sabana haitu, nanguli vaimo i Yesus ka ira, “Pariaramo tesaKu hitu! Yakumo hii bobaa rapesua nu bimba hau riara gimpu.

Yohanes 10:9

Yakumo hii bobaa. Isema-sema mesua modala nte Yaku rapakasalama. Ia mamala mesua bo mesuvu manggava kandea.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Suro-Suro 28:25

Kaupuna, nipalaisiramo ponturo haitu apa da nosisalapa panggavara ante pepatuduki i Paulus. Tapi dopame ira nalai, i Paulus nanguli ka ira, “Nakana ntoto Tesa Nosa Gasa nu Alatala anu nipasimbayu Nabi Yesaya ka totuata nggaulu ivei:

Galatia 3:8

Lako ri lamba pamulana Alatala nonia ala tona ledo toYahudi majadi manoa ri panggitaNa sabana pomparasayara. Jadi kareba nabelo haitu nipopaisaniNa nokolu ka i Abraham, evamo nitulisi ri Buku Gasa ivei: “Pura-pura manusia ri dunia manggava belo lako nte Yaku sabana komiu.”

Efesus 2:18

Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

Ibrani 10:15

Nosa Gasa nu Alatala muni nompopaisani pojanji nabaru ka kita. NipapolaNa tesa nu Alatala ivei:

Ibrani 3:7

Jadi, epemo tesa lako ri Nosa Gasa nu Alatala nanguli ivei: “Ane raepemiu suara nu Alatala eo hitu,

Ibrani 9:3

Bo ri bengo kae povombo anu nipotombi, naria tombi niuli Tombi Nelabi Kagasana.

2 Petrus 1:21

Apa nabi-nabi nombaboto tesa ledo nangoseaka dota nu manusia. Tapi Nosa Gasa nu Alatala nombakuasai tona ala rapasimbayura tesa lako nte Alatala mboto.