Ibrani 9:23 - Kaili Ledo

²³ Jadi Tenda nTupu bo pura-pura ganana anu nogambarai anu naria ri suruga, kana nipakagasa ivesia. Tapi anu naria ri suruga, paraluu rapakagasa ante pesomba anu nelabipa kabelona.

Ibrani 9:23 Iomraidhean Croise

Lukas 24:26

Magau Topepakasalama mombarasai peparajea ntani ruru dopame rapakaoge.”

Lukas 24:46

NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

Yohanes 14:3

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Suro-Suro 23:15

Jadi, kami merapi komiu bo toPolibu ntanina mompakatu sura ka tadulako Magau Mbaso, merapi ala i Paulus rakeni mpanjili mantingayo Polibu Mbaso Agama Yahudi. Ulika ia da nariapa bara sako-ngaya rapekutanamiu nte i Paulus. Bo kami masadia mompatesi ia ri dala, dopame ia makava ri sii.”

Kolose 2:17

sabana atura-atura bo ada-ada ivehaitu aga nojalili anu belo makava nggapurina. Tapi anu nakava bo anu nijalili haitu, iamo i Kristus.

Ibrani 10:1

Atura-atura agama Yahudi aga gambara. Riara Atura-atura haitu dopa nisanita mpuu kabelo rakavata lako nte i Kristus. Aga vayona nikitata, ledo lenjena mpuu. Mpae-mpae tona nakava nanggeni pesomba nasimbayu rapesomba ka Alatala, nangoseaka Atura-atura haitu. Tapi pesomba-pesomba haitu ledo ntoto nompakule manggeni tona majadi nanoa ri panggita nu Alatala.

Ibrani 10:4

Sabana, raa lako ri japi lakina bo tovau lakina ledo ntoto nompakalali dosa.

Ibrani 8:5

Pokarajaa nipoviara kakanana aga gambara bo vayo lako ri anu naria ri suruga. Haitu sampe tempo Nabi Musa nggaulu nasadia novia Tenda nTupu ri karava bai, Alatala nompopatora ka ia ivei: “Toramo! Pura-pura haitu kana mupovia mangoseaka jonjo nipopakitaKu ka iko ri bavo nu bulu.”

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.