Ibrani 9:19 - Kaili Ledo

¹⁹ Pamulana, i Musa nompopaisani ka todea toYahudi pura-pura parenta anu naria riara Atura-atura nu Alatala. Naupu haitu nialana raa ana japi bo tovau lakina nisambale bo nigalona ante uve. Naupu haitu nialana sepi-sepi nu kavoko hisop anu nipou ante lui bulu bimba nalei. Nitomena ri raa bo nivembasikana Buku Parenta-Parenta bo todea.

Ibrani 9:19 Iomraidhean Croise

Matius 27:28

Nivonjuramo pakea i Yesus bo nipasuaraka Ia baju ndoe nalei-lei mpo baju magau.

Markus 15:17

Nipasuakara baju magau nakamao ka i Yesus, bo nipoviara muni songgo nu magau lako ri karui bo nipoposonggokara.

Markus 15:20

Naupupa nipongei-ngeikara ivesia, nivonjuramo baju nakamao haitu bo nipopasuakara mpanjili pakeaNa mboto. Pade nikenira hau ri savaliku ngata rapaku ri kayu salib.

Yohanes 19:2

Naupu nicambura, nipongeikara i Yesus. Nipoviara songgo magau lako ri karui bo nipoposonggora ka i Yesus. Naupu haitu, nipasuakara santonga baju nakamao mpo baju magau.

Yohanes 19:5

I Yesus nikenira nesuvu hau ri savalikuna nosonggo karui bo nobaju magau nakamao. Nangulimo i Pilatus ka todea haitu, “Peintamo! Hitumo Ia!”

Ibrani 1:1

Tempo nggaulu, nadea ngganimo Alatala nompasimbayu tesaNa ante mpengaya-ngaya cara ka nabi-nabi anu nompapola tesaNa haitu ka totuata nggaulu.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 10:4

Sabana, raa lako ri japi lakina bo tovau lakina ledo ntoto nompakalali dosa.

Ibrani 12:24

Bo komiu muni nantingayo i Yesus, Topetariolo anu nompasiayu pojanji nabaru haitu. Bo komiu nantingayo raa nipatiti i Yesus anu nabelopa pade raa i Habel.

Ibrani 9:13

Nangoseaka pojanji nokolu, raa lako ri tovau bo japi lakina bo avu lako ri ana japi anu nipalabu rapesomba ka Alatala nikamburoroi ka tona naruto ala ira majadi magasa. Jadi iyapa raa bo avu haitu mamala mompakagasa karo ntona naruto,

Ibrani 9:18

Ivesia muni pojanji nu Alatala pamulana: ane dopa nipatiti raa binata nisambale, dopa namala rapake.