Ibrani 9:14 - Kaili Ledo

¹⁴ nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Ibrani 9:14 Iomraidhean Croise

Matius 12:28

Yaku nompopalai seta-seta ante kuasa Nosa Gasa nu Alatala. Bo haitu nompopakita ka komiu Alatala nompamulamo nomparenta ri tatangamiu!

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Matius 7:11

Nau komiu tona nadosa, nisanimiu nombadekei anu nabelo ka anamiu. Nemopa Alatala, Tuamamiu ri suruga! Natantu Ia muni mombadekei anu nabelo ka isema-sema merapi nte Ia.”

Lukas 12:24

Peintamo tonji kalikoa. Ira ledo notuda pae, ledo nokato, bo ledo naria gampiri pomboli kandeara. Tapi naupa ivesia, Alatala nombadekei kandea ka ira! Nemopa komiu anu nipotoveNapa pade tonji!

Lukas 12:28

Jadi ane Alatala nompakagaya bunga-bunga ranggavoko anu aga natuvu sampalai bo rapalabusimo, nemopa komiu! Natantu Ia mombadekei pakea niparaluumiu! Nakura mpuu pomparasayamiu!

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Suro-Suro 1:2

sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 14:15

“Nemo! Nee mpuu rasombamiu kami! Kami hii manusia biasa nasimbayu mpo komiu! Kami nakava ri sii mompatolele Kareba Belo ka komiu ala komiu mompalaisi kabiasamiu anu ledo naria gunana, evamo nombasomba viata-viata. Komiu kana metupu nte Alatala anu natuvu sampe ri kasae-saena. Iamo nompajadi langi, tana, tasi, bo pura-pura isina.

Suro-Suro 15:9

Alatala ledo nompoposisala kita toYahudi ante ira ledo toYahudi. Ia nompakagasa rarara, sabana ira nomparasaya.

Roma 1:20

Lako ri tempo dunia nipajadi nu Alatala sampe sii-sii, nisani nu manusia kuasaNa ledo naupu-upu bo Ia mpuu-mpuu Alatala. Nau ledo nikitata lenjeNa, nisanita Ia Alatala apa nisanita ingguNa lako ri pura-pura anu nipajadiNa ri dunia. Jadi ledo ria tona mamala manguli <>

Roma 11:12

Deanapa toYahudi nesapuaka bo nompoara i Kristus. Sabana haitu, nadea tona ledo toYahudi nanggava belo lako nte Alatala. Jadi, ane tona ntanina nanggava belo sabana pesapuaka ntoYahudi, nemopa ane toYahudi majea bo momparasaya! Natantu melabi kadea belo rakavara.

Roma 11:24

Komiu tona ledo toYahudi nasimbayu mpo tinggu kayu anu ledo nipiara. Naupa ivesia, komiu nipataka ri kayu nipiara. Jadi ane tinggu kayu ledo nipiara namala rapataka ri kayu nipiara, natantu tinggu kayu nipiara mamala rapataka mpanjili ri batana mboto.

Roma 6:13

Bo nee rapalamba karomiu movia nadaa. Tapi dekeimo katuvumiu ka Alatala apa kita nikabasakamo lako ri kamatea bo nitarimatamo katuvu nabaru. Dekeimo katuvumiu ka Alatala ala karomiu rapake movia anu nanoa.

Roma 6:22

Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

1 Korintus 15:45

Riara Buku Gasa naria nitulisi ivei: “Manusia paratama, i Adam, nipakatuvu nu Alatala.” Kajadia 2:7 Tapi i Adam kaupuna, haitumo i Kristus, nombadekei katuvu nabelo sampe ri kasae-saena.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

2 Korintus 6:16

Masipato kita metupu nte Alatala ri BanuaNa bo metupu muni nte tupu-tupu ntanina? Natantu pura-pura haitu ledo ntoto masipato! Toramo! Kitamo anu najadi Banua nu Alatala, haitumo Alatala anu Natuvu sampe ri kasae-saena. Alatala mboto nanguli ivei: “Yaku matetida ri tatangara bo monturo mosanggani-nggani ante ira. Yaku majadi Tupura bo ira majadi todeaKu.” Imamat 26:12; Yehezkiel 37:27

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Efesus 2:5

Tempo kita da nireke namate sabana ledo natundu nte Ia, Ia nompakatuvu mpanjili kita nosanggani-nggani ante i Kristus. Toramo! Komiu nipakasalama sabana kabelo rara nu Alatala!

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

1 Tesalonika 1:9

Ira mboto notesa ka kami berimba komiu toTesalonika nantarima kami tempo kami nakava nte komiu bara ipia. Bo nitesara muni berimba komiu nenonto netupu nte viata-viata bo nompamula netupu nte Alatala anu natuvu bo nakana.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

1 Timotius 3:15

mbelaka masae pade makava yaku, musanimo pokainggu masipato ka pura-pura tona nireke nu Alatala ana-anaNa. Apa kitamo todea anu nombasomba Alatala anu Natuvu sampe ri kasae-saena. Kitamo nanggangisi bo nombajagai pepatuduki nakana lako nte Alatala ala ledo rabaliki ntona, nasimbayu mpo tinja bo pandasi nombatande pakaroso banua.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Ibrani 1:3

AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.

Ibrani 10:10

Bo i Kristus nangoseaka dota nu Alatala, haitumo nidekeiNa karoNa mboto majadi pesomba posompo dosa. Pesomba haitu aga sanggani, ledo paraluu rasili, apa naganamo sampe ri kasae-saena. Ivesiamo dosata pura-pura nipakalali.

Ibrani 10:12

Tapi aga sangu pesomba nikeni i Kristus, haitumo karoNa mboto nidekeiNa rapatesi majadi pesomba posompo dosa. Bo pesombaNa haitu nompakule mompakalali dosa sampe ri kasae-saena. Naupu nanggeni pesomba haitu, Ia nonturo ri panggana nu Alatala.

Ibrani 10:2

Ane rapana dosa ntona anu nanggeni pesomba haitu, mpuu-mpuu rapakalali, natantumo domo rakenira pesomba ka Alatala, sabana rasanira dosara niampungimo bo domo rarasaira nadosa.

Ibrani 10:22

Jadi kita kana metupu nte Alatala ante rarata naliangu bo pomparasayata ledo nolengga-lengga. Apa rara ntaita nipakagasamo ante raa i Kristus, jadi nisanita domo ria salata. Kita nidiu ante uve gasa, tandana kita nipakagasaNamo.

Ibrani 11:21

Bo lako ri pomparasaya i Yakub, tempo damo kamatena, niperapina Alatala mombadekei belo ka ana-ana i Yusuf. Bo ia netidanda ri tokona bo nombasomba Alatala.

Ibrani 13:12

Ivesia muni najadi ante i Yesus. Ia nikeni ri savaliku bobaa ngata Yerusalem bo nipatesi. Ia namate ala raaNa majadi pesomba posompo dosa anu nompakalali dosa ntodeaNa.

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!

Ibrani 6:1

Jadi sampesuvu-sampesuvu, nee kita aga mompekirika pepatuduki agama Kristen pamulana. Tapi aginamo kita meguru pepatuduki kapolana. Nee aga mombasili pepatuduki pamulana, evamo majea lako ri pokainggu nadaa anu ledo ria gunana, bo pepatuduki momparasaya Alatala.

Ibrani 7:16

Ia najadi topanggeni pesomba ledo nangoseaka atura-atura nggaulu anu nompakatantu muli isema masipato majadi topanggeni pesomba. Tapi Ia najadi topanggeni pesomba sabana Ia nakuasa bo katuvuNa ledo ria kaupu-upuna.

Ibrani 7:27

Ia ledo nasimbayu ante Pakeni nTopanggeni Pesomba ntanina. Eo-eo nikenira ntani ruru pesomba posompo ka dosara mboto, pade namala nikenira pesomba posompo ka dosa ntodea. Tapi i Yesus nanggeni pesomba aga sanggani tempo nidekeiNa karoNa mboto rapatesi mantolo dosa manusia. Pesomba haitu ledo paraluu rasili sampe ri kasae-saena.

Ibrani 9:26

Apa ane rapana mpenggani-nggani Ia mesua, batuana mpenggani-nggani muni Ia kana mombarasai kasusa bo kapari nompamula lako ri lamba pamulana. Tapi kakanana, ri tempo sii-sii anu napara kaupu dunia Ia nakava aga sanggani nompakalali dosata ante nombadekei karoNa mboto nipatesi.

Ibrani 9:7

Tapi aga Pakeni nTopanggeni Pesomba saitona nidekei mesua ri tombi karontombina anu niuli Tombi Nelabi Kagasana, bo haitu aga sanggani sampae. Tempo ia mesua kana rakenina raa rapesombana mombasompo dosana mboto bo dosa ntodea anu ledo nitunggaira.

Ibrani 9:9

Haitu muni naria batuana ka kita sii-sii, haitumo pedekei-pedekei bo pesomba-pesomba nipesomba ntona nangoseaka atura-atura pojanji nokolu, ledo nakuasa mompakagasa rara ntai ntopesomba ri panggita nu Alatala.

1 Petrus 1:19

tapi nibayariNa ante anu nelabi noali, haitumo raa i Kristus. I Kristus nireke mpo ana bimba nadoli bo ledo nasala nisambale manjambei komiu.

1 Petrus 2:22

Ia ledo sanggania novia dosa, ledo sanggania Ia nodava.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

1 Yohanes 1:7

Tapi ane kita natuvu riara reme nasimbayu mpo Alatala naria riara nu reme, kita natuvu nosangu rara nte roa, bo Alatala mombalelaka pura-pura dosata sabana raa nu AnaNa i Yesus anu namate ala dosata mamala raampungi.

1 Yohanes 3:5

Nisanimiumo patuju i Yesus nakava ri dunia ala Ia mompakalali pura-pura dosa manusia. Bo nisanimiu muni Ia mboto ledo ntoto nadosa.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.