Ibrani 9:11 - Kaili Ledo

^11-12 Tapi i Kristus nakava mpo Pakeni nTopanggeni Pesomba anu nanggeni kabelona nirasaita mamimo. Ia noliu riara Tenda nTupu anu nelabi kaogena bo nelabi kabelona pade Tenda nTupu ri dunia hitu, bo nesua ri Tombi Nelabi Kagasana ri suruga. Tenda nTupu ri suruga haitu ledo nipovia mpale manusia, batuana, ledo nopuna lako ri dunia hitu. Tempo i Kristus nesua ri Tenda haitu aga sanggani sampe ri kasae-saena. Ia ledo nanggeni raa ntovau lakina atau raa ana japi rapesombaNa, tapi raaNa mboto nikeniNa. Ivesiamo Ia nombakabasaka kita lako ri dosata sampe ri kasae-saena.

Ibrani 9:11 Iomraidhean Croise

Matius 11:3

“Tua, Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”

Matius 2:6

‘Iko, ngata Betlehem ri bagia Yudea, Nau ngata kodi, iko ngata nelabi nopoko ri panggita nu pakeni ntoYudea. Sabana lako nte iko kana meumba saito pakeni anu moevu todeaKu toIsrael.’ ” Mikha 5:2

Markus 14:58

< >>

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 4:25

Nesana vai mombine haitu, “Nisaniku kana makava Magau Topepakasalama anu niuli i Kristus. Ane Ia haitu makava, Ia kana motentei pakalanto mpengaya-ngaya ka kita.”

Suro-Suro 7:48

Naupa ivesia, Alatala anu Neliu KaogeNa, ledo nonturo ri banua nipovia nu manusia. Apa riara buku nu nabi nitulisi ivei:

2 Korintus 4:18

Jadi kami ledo nompariara kasusa bo kapari anu nikita ri dunia hitu, tapi kami nompariara belo anu dopa nikita anu nasadia ka kami. Apa, anu nikita ri dunia hitu aga sampalai, tapi belo anu dopa nikita haitu, bate-batena sampe ri kasae-saena.

2 Korintus 5:1

Karota ri dunia hitu nirapaka tenda niponturota sampalai. Bo nisanita ane mageromo tenda hitu, Alatala mombadekei ka kita banua ri suruga anu ledo nipovia manusia bo bate-batena sampe ri kasae-saena, haitumo karo nabaru.

Kolose 2:11

Kita nosangu rara ante i Kristus jadi kita nireke nisuna. Tapi posunata haitu ledo anu nipovia nu manusia ri karota tapi anu nipovia i Kristus riara ntaita. Batuana, kita nikabasaka lako ri kuasa nu dosa.

Ibrani 10:1

Atura-atura agama Yahudi aga gambara. Riara Atura-atura haitu dopa nisanita mpuu kabelo rakavata lako nte i Kristus. Aga vayona nikitata, ledo lenjena mpuu. Mpae-mpae tona nakava nanggeni pesomba nasimbayu rapesomba ka Alatala, nangoseaka Atura-atura haitu. Tapi pesomba-pesomba haitu ledo ntoto nompakule manggeni tona majadi nanoa ri panggita nu Alatala.

Ibrani 12:27

TesaNa “sangganipa” haitu, batuana, pura-pura anu nipajadiNa kana ragoyaNa bo rapakalipoNa ala aga anu ledo nogoya maboli.

Ibrani 13:14

Apa ri dunia hitu ledo ria ponturota naroo, tapi kita nanjarumaka ponturo nabelopa ri suruga ri tempo makava.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Ibrani 7:1

I Melkisedek haitu magau ngata Salem bo topanggeni pesomba ka Alatala anu Nelabi KaogeNa. Tempo i Abraham nanjili lako nombadagi magau-magau ri tana Kanaan, i Melkisedek hau nosinggava nte i Abraham bo nerapi Alatala mombadekei belo ka ia.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.