Ibrani 8:5 - Kaili Ledo

⁵ Pokarajaa nipoviara kakanana aga gambara bo vayo lako ri anu naria ri suruga. Haitu sampe tempo Nabi Musa nggaulu nasadia novia Tenda nTupu ri karava bai, Alatala nompopatora ka ia ivei: “Toramo! Pura-pura haitu kana mupovia mangoseaka jonjo nipopakitaKu ka iko ri bavo nu bulu.”

Ibrani 8:5 Iomraidhean Croise

Matius 2:12

Naupu haitu, Alatala nompopainga ira riara pangipira, ala nee manjili hau nte Magau Herodes. Jadi nalaimo ira hau manjili ri ngatara mboto nangoseaka dala ntanina.

Suro-Suro 7:44

Sampesuvu-sampesuvu. Tempo totua-totuata naria ri karava bai, naria nte ira tenda petupu, tandana Alatala nonturo nosanggani-nggani ante ira. Tenda haitu nipoviara nantuntuni parenta nu Alatala ka i Musa bo nantuntuni gambara nipopakita nu Alatala ka ia.

Kolose 2:17

sabana atura-atura bo ada-ada ivehaitu aga nojalili anu belo makava nggapurina. Tapi anu nakava bo anu nijalili haitu, iamo i Kristus.

Ibrani 10:1

Atura-atura agama Yahudi aga gambara. Riara Atura-atura haitu dopa nisanita mpuu kabelo rakavata lako nte i Kristus. Aga vayona nikitata, ledo lenjena mpuu. Mpae-mpae tona nakava nanggeni pesomba nasimbayu rapesomba ka Alatala, nangoseaka Atura-atura haitu. Tapi pesomba-pesomba haitu ledo ntoto nompakule manggeni tona majadi nanoa ri panggita nu Alatala.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Ibrani 13:10

Kita topomparasaya naria lanta pesomba, haitumo kayu salib i Kristus anu namate nombasompo dosata. Topanggeni pesomba ri Banua Petupu ntoYahudi nitagi mangande bau lako ri binata nisambale raposompo dosa. Ivesia muni tona da nangoseaka atura-atura pesomba agama Yahudi, ledo mamala manggava belo lako ri kamate i Kristus.

Ibrani 9:9

Haitu muni naria batuana ka kita sii-sii, haitumo pedekei-pedekei bo pesomba-pesomba nipesomba ntona nangoseaka atura-atura pojanji nokolu, ledo nakuasa mompakagasa rara ntai ntopesomba ri panggita nu Alatala.

Pompakita 15:5

Naupu haitu nikitaku tona nangungge Banua nu Alatala ri suruga, ante Tenda nTupu riarana.