Ibrani 7:8 - Kaili Ledo

⁸ Ivesia muni i Melkisedek naogepa pade topanggeni pesomba lako ri valaa i Lewi. Ane topanggeni-topanggeni pesomba haitu anu nibagika sabagia lako ri sapulu bagia, ira manusia biasa anu namate. Tapi nangoseaka Buku Gasa, i Melkisedek anu nibagika i Abraham sabagia lako ri sapulu bagia, ledo namate tapi batena natuvu.

Ibrani 7:8 Iomraidhean Croise

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Ibrani 3:16

Jadi, isema nangepe suara nu Alatala bo nesapuaka? Tantu pura-pura ira anu nikeni Nabi Musa nesuvu lako ri tana Mesir.

Ibrani 5:6

Bo niuliNa muni ri bagia ntanina ivei: “Iko Topanggeni Pesomba sampe ri kasae-saena, nasimbayu mpo i Melkisedek.” Mazmur 110:4

Ibrani 6:20

Ia nokolu nesua hamai mompakasadia dala ka kita. Ia nianggataka najadi Pakeni nTopanggeni Pesomba sampe ri kasae-saena, nasimbayu mpo i Melkisedek.

Ibrani 7:23

Bo naria sangayapa sabana i Yesus naogepa pade topanggeni pesomba lako ri valaa i Lewi. Tona lako ri valaa i Lewi anu najadi topanggeni pesomba kana madea, sabana ira kana mamate pura sampe ledo rapakulera mompapola pokarajaara.

Ibrani 7:7

Nisanita pura-pura tona niperapika belo naedepa pade tona anu nerapi belo ka ia. Jadi i Melkisedek naogepa pade i Abraham.

Ibrani 7:9

I Lewi totua nu pura-pura topanggeni pesomba anu masipato radekeika sabagia lako ri sapulu bagia lako ri todea toYahudi. Tapi naupa i Lewi dopa nipoanaka tempo i Abraham nombadekei sabagia lako ri sapulu bagia ka i Melkisedek, namala rauli i Lewi mboto nombadekei sabagia lako ri sapulu bagia tempo haitu.

Ibrani 9:27

Alatala nompakatantu manusia mamate aga sanggani, bo maupu haitu ratangara.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.