Ibrani 7:24 - Kaili Ledo

²⁴ Tapi i Yesus batena natuvu. Haitu sampe Ia batena nokarajaa mpo topanggeni pesomba. PokarajaaNa ledo nolinja nte tona ntanina.

Ibrani 7:24 Iomraidhean Croise

Yohanes 12:34

Bo nanguli todea ka Ia, “Lako ri Buku Atura Agama, nisanita Magau Topepakasalama anu nijanji nu Alatala kana matuvu sampe ri kasae-saena. Jadi berimba sampe niuliMiu Ana nu Manusia kana mamate raanggataka pakalanga ri tinja? Isema Ana nu Manusia haitu?”

Roma 6:9

Apa nisanita i Kristus nipakatuvu mpanjili lako ri kamateNa bo Ia domo mamate. Kamatea domo mamala mombakuasai Ia.

Roma 9:5

Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!

Ibrani 13:8

Toramo! I Yesus Kristus ledo nabali-bali, lako ri nggauluname sampe sii-sii bo sampe ri kasae-saena.

Ibrani 7:28

Nangoseaka Atura-atura agama Yahudi, tona nalente bo nadosa nianggataka najadi Pakeni nTopanggeni Pesomba, apa ira aga manusia biasa. Tapi naliu Atura-atura haitu, Alatala nojanji ante sumpa, bo nangoseaka pojanji haitu, nianggatakaNa AnaNa mboto majadi Pakeni nTopanggeni Pesomba. Bo AnaNa haitu nipajadi Topetolo anu ledo nakura nuapa-nuapa sampe ri kasae-saena.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.