Ibrani 7:15 - Kaili Ledo

¹⁵ Nalantomo topanggeni pesomba lako ri valaa i Lewi bo Atura-atura agama nisambeimo sabana sii-sii nariamo ntanina topanggeni pesomba anu nasimbayu mpo i Melkisedek.

Ibrani 7:15 Iomraidhean Croise

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Ibrani 5:6

Bo niuliNa muni ri bagia ntanina ivei: “Iko Topanggeni Pesomba sampe ri kasae-saena, nasimbayu mpo i Melkisedek.” Mazmur 110:4

Ibrani 7:11

Tempo Alatala nombadekei Atura-atura agama ka toIsrael, nianggatakaNa tona lako ri valaa i Lewi majadi topanggeni pesomba anu momparenta todea mangoseaka Atura haitu. Tapi pokarajaa ntopanggeni pesomba haitu ledo nompakule mompakanoa manusia ri panggita nu Alatala. Jadi haitumo sampe paraluu raanggataka tona ntanina majadi topanggeni pesomba. Topanggeni pesomba haitu nasimbayu mpo i Melkisedek, bo domo mpo i Harun muli i Lewi anu najadi topanggeni pesomba ntoIsrael pamulana.

Ibrani 7:16

Ia najadi topanggeni pesomba ledo nangoseaka atura-atura nggaulu anu nompakatantu muli isema masipato majadi topanggeni pesomba. Tapi Ia najadi topanggeni pesomba sabana Ia nakuasa bo katuvuNa ledo ria kaupu-upuna.

Ibrani 7:3

I Melkisedek ledo notina, ledo notuama, ledo nisani totuana. Katuvuna ledo ria pamulana bo ledo muni naria kaupuna. Ia nasimbayu mpo Ana nu Alatala, bo ia bate-batena topanggeni pesomba sampe ri kasae-saena.