Ibrani 7:12 - Kaili Ledo

¹² Jadi ane topanggeni pesomba lako ri valaa i Lewi rasambei, natantumo atura-atura nikeniakara kana rasambei muni.

Ibrani 7:12 Iomraidhean Croise

Ibrani 7:11

Tempo Alatala nombadekei Atura-atura agama ka toIsrael, nianggatakaNa tona lako ri valaa i Lewi majadi topanggeni pesomba anu momparenta todea mangoseaka Atura haitu. Tapi pokarajaa ntopanggeni pesomba haitu ledo nompakule mompakanoa manusia ri panggita nu Alatala. Jadi haitumo sampe paraluu raanggataka tona ntanina majadi topanggeni pesomba. Topanggeni pesomba haitu nasimbayu mpo i Melkisedek, bo domo mpo i Harun muli i Lewi anu najadi topanggeni pesomba ntoIsrael pamulana.

Ibrani 7:13

Topanggeni pesomba nitesa pangane Iamo Tuputa Yesus. Nisanita Ia lako ri valaa i Yehuda, ledo lako ri valaa i Lewi. Bo ledo ria muli i Yehuda anu najadi topanggeni pesomba. Ledo ria sanggania i Musa nanguli tona lako ri valaa i Yehuda majadi topanggeni pesomba.

Ibrani 9:10

Atura-atura haitu aga nosinggambela ante kandea, panginu bo mpengaya ada pediu. Atura-atura haitu aga nosinggambela ante karota, ledo nosinggambela ante rara ntaita, bo atura-atura haitu aga nipake sampe makava tempona Alatala movia pojanji nabaru.