Ibrani 7:10 - Kaili Ledo

¹⁰ Sabana, ia nariamo riara karo ntotuana i Abraham tempo i Melkisedek nosinggava nte i Abraham.

Ibrani 7:10 Iomraidhean Croise

Ibrani 5:6

Bo niuliNa muni ri bagia ntanina ivei: “Iko Topanggeni Pesomba sampe ri kasae-saena, nasimbayu mpo i Melkisedek.” Mazmur 110:4

Ibrani 7:11

Tempo Alatala nombadekei Atura-atura agama ka toIsrael, nianggatakaNa tona lako ri valaa i Lewi majadi topanggeni pesomba anu momparenta todea mangoseaka Atura haitu. Tapi pokarajaa ntopanggeni pesomba haitu ledo nompakule mompakanoa manusia ri panggita nu Alatala. Jadi haitumo sampe paraluu raanggataka tona ntanina majadi topanggeni pesomba. Topanggeni pesomba haitu nasimbayu mpo i Melkisedek, bo domo mpo i Harun muli i Lewi anu najadi topanggeni pesomba ntoIsrael pamulana.

Ibrani 7:5

Nangoseaka Atura-atura agama Yahudi, tona lako ri valaa i Lewi anu najadi topanggeni pesomba masipato radekeika sabagia lako ri sapulu bagia lako ri panggava ntodea toIsrael. Nangoseaka Atura-atura agama, aga topanggeni pesomba masipato mangala haitu lako nte sampesuvura toIsrael naupa ira pura-pura muli i Abraham.

Ibrani 7:9

I Lewi totua nu pura-pura topanggeni pesomba anu masipato radekeika sabagia lako ri sapulu bagia lako ri todea toYahudi. Tapi naupa i Lewi dopa nipoanaka tempo i Abraham nombadekei sabagia lako ri sapulu bagia ka i Melkisedek, namala rauli i Lewi mboto nombadekei sabagia lako ri sapulu bagia tempo haitu.