Ibrani 6:5 - Kaili Ledo

⁵ Nirasairamo Tesa nu Alatala nabelo bo nirasairamo kuasa lako ri dunia baru nu Alatala.

Ibrani 6:5 Iomraidhean Croise

Matius 12:32

Isema-sema nombasalai Yaku, Ana nu Manusia mamala raampungi. Tapi isema-sema mombasalai Nosa Gasa nu Alatala, ledo ntoto raampungi, lako ri eo hitu sampe ri kasae-saena.

Markus 6:20

sabana Magau Herodes naeka rarana nte i Yohanes. Nisanina i Yohanes tona nanoa bo nagasa rarana. Jadi nisalikuna i Yohanes bo ledo nidekeina rapatesi. Ane niepena tesa i Yohanes, domo nasilonga pekirina, tapi nasana muni rarana nangepe tesana.

Lukas 8:13

Savua nanavu ri tana navatu, nirapaka tona nangepe Tesa nu Alatala bo nitarimara nte damba rara. Tapi ledo naroso pomparasayara, nasimbayu nte tuda-tuda ledo naroso pokalena. Tempo ira nipesori, nouramo rarara bo domo nomparasaya.

Efesus 6:17

Komiu kana maroo manjarumaka Alatala mompakasalama komiu. Haitumo songgo bajamiu anu mombalenduti balenggamiu. Bo komiu kana mompake Tesa nu Alatala. Haitumo guma nidekei Nosa GasaNa ka komiu.

Ibrani 11:3

Lako ri pomparasayata, nisanita dunia nipajadi nu Alatala ante TesaNa. Jadi, anu nikita nipajadi lako ri anu ledo nikita.

Ibrani 2:5

Ledo malaeka-malaeka nanggava kuasa lako nte Alatala moparenta ri dunia nabaru bara maipia, haitumo dunia nitesata ri sii.

Ibrani 4:12

Tesa nu Alatala tesa natuvu bo nakuasa. Tesa haitu natadapa pade guma nomata ntimali apa Tesa haitu namala mantosu sampe ri pantaa nyawa bo rara ntai manusia, nasimbayu mpo guma nantosu sampe ri posidumpa nu buku bo unto nu buku. Tesa haitu namala nombabuka bo nomparesa pekiri bo patuju rara ntai manusia.

1 Petrus 1:25

Tapi Tesa nu Alatala bate-batena sampe ri kasae-saena.” Yesaya 40:6-8 Tesa nu Alatala haitumo Kareba Belo anu nipatolele ka komiu.

1 Petrus 2:3

Komiu kana maino ka Tesa nu Alatala, apa nirasaimiu mamimo kabelo rara i Pue.

2 Petrus 2:20

Mandasa mpuumo ira! Apa bara ipia ira mpuu-mpuu nosisani nte Tuputa Yesus, Topompakasalama kita, sampe ira nikabasakamo lako ri pokainggu nadaa anu nompakagero manusia ri dunia hitu. Tapi naupu sia, ira nipemala bo nikuasai nu pokainggu-pokainggu nadaa haitu mpanjili. Kaupuna, nelabipa kandasa katuvura pade ri pamulana.