Ibrani 6:13 - Kaili Ledo

¹³ Tempo Alatala nombadekei pojanji ka i Abraham, Ia nompakaroso pojanjiNa haitu bo nosumpa nte SangaNa mboto, sabana ledo ria tona ntanina nalangapa pade Ia.

Ibrani 6:13 Iomraidhean Croise

Lukas 1:73

PojanjiNa nggaulu ka totuata i Abraham naroso mpuu. Alatala nojanji mombakabasaka kita muli i Abraham lako ri balita, ala kita mamala metupu nte Ia, ante ledo ria ekata. NijanjiNa ka kita ala mamala kita metupu nte Ia, ante rara magasa bo manoa sampe ri kaupu nggatuvuta ri dunia.”

Galatia 3:15

Sampesuvu-sampesuvuku, kuala jonjo lako ri katuvuta eo-eo. Ane kita movia sura pojanji bo sura haitu nipakaasa nangoseaka ada nu pomarenta, isi nu sura haitu domo namala rapakalipo ntona atau ratambaiki isina.

Galatia 3:18

Ane rapana tona mantarima belo sabana nioseakana Atura agama, batuana, belo haitu ledo nikavana lako ri pojanji nu Alatala, tapi aga lako ri pompasimbukuna mboto! Tapi, Alatala nombadekei belo ka i Abraham sabana pojanjiNa. Belo haitu pedekei bayangi lako ri kabelo rara nu Alatala.