Ibrani 6:12 - Kaili Ledo

¹² Nee sampe komiu majadi masanda, tapi pasialamo jonjo ntona anu nomparasaya Alatala bo nosabara nompopea sampe nikavara anu nijanjiNa ka ira.

Ibrani 6:12 Iomraidhean Croise

Matius 22:32

Nau nasaemo kamate i Abraham, i Ishak bo i Yakub, Alatala nanguli, ‘Yakumo Alatala nisomba i Abraham, i Ishak bo i Yakub.’ Batuana, ira da natuvu bo nombasomba Alatala. Apa nisanita Alatala ledo nisomba ntona namate tapi Ia nisomba ntona natuvu.”

Matius 25:26

Bo nanguli madika, ‘Iko batua nadaa bo nasanda! Nisanimu yaku nangala asele ntalua anu ledo potudaku, bo nosombe anu ledo posavuku.

Lukas 16:22

Nakavamo tempona tona napakasi haitu namate bo ia nikeni nu malaeka hau ri ponturo nabelo ri sinjori Nabi Abraham. Tona nakalumana namate munimo bo nitana. Ia nikeni hau ri ponturo ntomate.

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Roma 12:11

Kana matutu mokarajaa, nee masanda! Kana madidi raramiu mokarajaa ka Tupu.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Roma 4:12

Bo i Abraham muni rapotuama ntoYahudi, haitumo ira anu ledo aga nangoseaka ada posuna tapi nangoseaka jonjo pomparasaya i Abraham dopame ia nisuna.

2 Tesalonika 1:4

Sia sampe ri ngata-ngata ntanina kami nantoiya pokainggumiu ri ngayo ntodea topomparasaya i Yesus. Ante damba rara, kami nanguli ka ira, “Nabelo mpuu toTesalonika! Ira ledo nenonto nomparasaya i Kristus nau nipandasa bo nipakasusa ntona.”

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Ibrani 10:36

Komiu kana mosabara ala maupu komiu movia dota nu Alatala, komiu mantarima anu nijanjiNa.

Ibrani 11:33

Lako ri pomparasayara, sanu ira nombadagi magau-magau. Nipoviara dota nu Alatala jadi nitarimara anu nijanji nu Alatala ka ira. Sanu ira nombaramu nganga nu singa.

Ibrani 12:1

Jadi namala raulita, pura-pura ira pangane nombatiku kita bo nompakaroso rarata ante posabira. Sabana haitu, kita muni kana mombatedaka pura-pura anu nompopekai rarata bo dosa anu nekantaka nte kita. Kita kana maroo rarata mangoseaka dala nipakatantu nu Alatala ka kita, nasimbayu mpo topangova ri posilumba.

Ibrani 13:7

Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.

Ibrani 5:11

Da nadeapa mbeki kuuli mombatesa i Yesus bo i Melkisedek ka komiu, tapi nakaja ratentei ka komiu sabana nakumba mpuu pompahamiu meguru pepatuduki nakana.

Ibrani 6:15

I Abraham nosabara nompopea, jadi nitarimanamo anu nijanji nu Alatala ka ia.

Yakobus 1:3

Sabana, nisanimiu ane maroo pomparasayamiu tempo nipesori, komiu majadi maroso bo rapakulemiu mantingayo nuapa-nuapa.

2 Petrus 1:10

Jadi sampesuvu-sampesuvu, pasimbuku mpuumo mokainggu mabelo ala malanto komiu mpuu-mpuu nipelisi nu Alatala bo nipokioNa majadi todeaNa. Ane inggu-inggu pangane ratambaika pomparasayamiu, natantu ledo ntoto moura pomparasayamiu,

1 Yohanes 2:25

Hitumo nijanjiNa ka kita: Kita matuvu mabelo sampe ri kasae-saena.

Pompakita 13:10

Isema-sema nipakatantu ratavani, kana ratavanimo. Isema-sema nipakatantu rapatesi ante guma, kana rapatesi ante gumamo. Anu nopoko ri sii, todea nu Alatala kana maroo tempo nipandasa bo nee moura momparasaya.