Ibrani 6:10 - Kaili Ledo

¹⁰ Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Ibrani 6:10 Iomraidhean Croise

Matius 10:42

Bo isema-sema nombatulungi topangoseaka Yaku sabana ia mpuu-mpuu nangoseaka Yaku, tona haitu manggava tambona bara maipia. Pariaramo tesaKu hitu, nau aga mombadekei uve ranindi ka saito topangoseaka Yaku anu ledo ria nturona, ia kana manggava tambona.”

Matius 20:7

Nesana ira, ‘Ledo naria tona nombagaji kami.’ Bo nanguli tupu ntalua haitu, ‘Ane ivesia, koimo pokarajaa ri taluaku.’ Bo hau mpuumo ira.

Matius 25:17

Ivesia muni tona anu niparasayaka ronjobu mpeka doi bulava hau nipagolina doina haitu sampe nikavana anana ronjobu mpeka muni.

Markus 9:41

Pariaramo tesaKu hitu! Isema-sema mombadekei uve inu ka komiu sabana komiu topangoseaka Yaku, ia kana manggava tambona bara maipia.>>

Yohanes 13:20

Pariaramo tesaKu hitu, isema-sema nantarima tona nituduKu, nitarimana muni Yaku. Bo isema-sema nantarima Yaku, nitarimana muni TuamaKu anu nantudu Yaku.”

Suro-Suro 10:31

Ia nanguli ka yaku ivei: ‘Kornelius! Posambayamu nitarima nu Alatalamo, bo nitoraNa kabelo raramu nantulungi tona napakasi.

Suro-Suro 10:4

Naeka mpuu i Kornelius nanggita malaeka haitu. Nesana i Kornelius, “Nuapa, tua?” Nanguli malaeka, “Posambayamu nitarima nu Alatalamo, bo nitoraNa kabelo raramu nantulungi tona napakasi.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Roma 12:13

Tulungimo roa sampomparasaya anu napepa, bo tarimamo torata riara banuamiu.

2 Korintus 9:1

Kakanana ledo paraluu ntoto kutulisi ka komiu doi petulungi ka topomparasaya napakasi ri Yudea.

Galatia 5:13

Sampesuvu-sampesuvu, komiu nipokio nu Alatala ala rakabasaka lako ri Atura agama. Aga nee sampe haitu majadi loga mangoseaka mpengaya-ngaya dota rara nadaa! Komiu kana mosimpotove bo mositulungi.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

2 Timotius 4:8

Jadi hitupa nasadiamo hadia padagi ka yaku sabana katuvuku nompakadamba rara nu Alatala. I Pue Yesus Topotangara nanoa, bo ri Eo Potangara ngena radekeiNa hadia haitu ka yaku, bo ledo aga ka yaku tapi ka pura-pura tona nompotove Ia bo nompopea kakavaNa.

Ibrani 10:32

Tapi sampesuvu-sampesuvu, toramo katuvumiu tempo bara ipia. Tempo komiu dako nantarima reme lako nte i Pue, nadea susa bo pari nirasaimiu. Tapi naupa ivesia, komiu batena nomparasaya.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

1 Yohanes 1:9

Tapi ane kita mombanoa dosa-dosata ri ngayo nu Alatala, raampungiNa dosata bo rapakagasaNa rarata lako ri pura-pura anu nadaa. Apa ivesia nijanjiNa ka kita bo Ia namala rasarumaka mompakadupa pojanjiNa, bo movia anu nanoa.