Ibrani 6:1 - Kaili Ledo

¹ Jadi sampesuvu-sampesuvu, nee kita aga mompekirika pepatuduki agama Kristen pamulana. Tapi aginamo kita meguru pepatuduki kapolana. Nee aga mombasili pepatuduki pamulana, evamo majea lako ri pokainggu nadaa anu ledo ria gunana, bo pepatuduki momparasaya Alatala.

Ibrani 6:1 Iomraidhean Croise

Matius 21:29

Bo nesana ana lumbua, ‘Ledo yaku hau!’ Tapi naliu haitu nanjoso raramo ia bo kana hau mpuumo ia nokarajaa ri talua.

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Matius 4:17

Lako ri tempo haitu nompamulamo i Yesus nompatolele ka tona ivei: “Kajeamo lako ri dosamiu, sabana naparamo tempona Alatala moparenta mpo Magau.”

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Matius 7:25

Nauda romba bo nakava lono ante poiri nombaburu banua haitu, tapi banua haitu ledo nagero sabana nipovia ri bavo vatu.

Markus 1:1

Hitumo tesa Kareba Belo, tesa i Yesus Kristus, Ana nu Alatala.

Markus 6:12

Naupu haitu, haumo ira sapulu randua mompatolele ka todea kana majea lako ri dosara.

Lukas 6:48

ia nasimbayu mpo topovia banua. Nikaena pakandala tana bo nipoviana pandasi vatu. Tempo lono bo uve binangga nanggabuntu nodala ri banua, banua haitu ledo nogoya sabana pandasina naroso.

Yohanes 12:44

Bo i Yesus nanguli nte suara namangga ri tatanga ntodea, “Isema-sema nomparasaya Yaku, ledo aga nomparasaya Yaku tapi niparasayana muni Alatala anu nantudu Yaku.

Yohanes 14:1

Nanguli i Yesus ka ana-anaguruNa, “Nee masusa raramiu. Parasayamo Alatala, bo parasaya munimo Yaku.

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

1 Korintus 13:10

Tapi tempo Alatala mompakabelo mpengaya-ngaya bara maipia, domo raparaluuta pompakule-pompakule anu da nakura haitu.

1 Korintus 2:6

Naupa ivesia, ane kami notesa ka topomparasaya anu naroso pomparasayana, naria muni kapande nipasimbayu kami ka ira. Tapi kapande haitu ledo nasimbayu ante kapande lako ri dunia nadaa hitu atau kapande ntopomparenta ri dunia nadaa hitu, apa kuasara nalipo-lipomo.

2 Korintus 7:1

Sampesuvu-sampesuvu nipotoveku. Pura-pura janji nu Alatala haitu nipambela ka kita. Jadi kita kana mombakabasaka pura-pura pokainggu bo pekiri nadaa. Kita kana mangoseaka Alatala ante rarata mpuu-mpuu, bo kana maeka movia anu ledo rapokonoNa.

2 Korintus 7:10

Sabana, kasusa rara nangoseaka dota nu Alatala, nanggeni kita najea lako ri dosata sampe kita rapakasalama. Bo ledo ria saitoa tona manjoso rarana ane rapakasalama. Tapi kasusa rara biasana anu nirasai ntona ledo nosisani nte Alatala, ledo nanggeni kita majea aga nanggeni kita mamate bo rapopogaa lako nte Alatala.

Efesus 2:1

Sampesuvu-sampesuvu, dopame komiu nomparasaya i Kristus, komiu nireke namate sabana komiu batena nadosa bo nombaliunaka parenta-parenta nu Alatala.

Efesus 2:5

Tempo kita da nireke namate sabana ledo natundu nte Ia, Ia nompakatuvu mpanjili kita nosanggani-nggani ante i Kristus. Toramo! Komiu nipakasalama sabana kabelo rara nu Alatala!

Efesus 4:12

NipaleleNa pedekei haitu ala kita todea nu Alatala rapakagana ala rapakuleta mantui pokarajaa nu Alatala. PatujuNa muni ala kita anu najadi karo i Kristus mantambai karosota,

Kolose 1:28

Jadi Kareba i Kristusmo nipatolele kami ka pura-pura tona. Nipake kami pura-pura noto anu naria riara ntai kami nompopatora ira anu ledo mabelo rapoviara bo nompatuduki ira movia anu nabelo. Patuju kami ala pura-pura ira mamala rakeni mantingayo Alatala bo pomparasayara ledo makura nuapa-nuapa ri panggitaNa sabana posangu rarara ante i Kristus.

Kolose 3:14

Tapi nelabipa pade pura-pura pangane, kita kana mosimpotove. Sabana, ane kita todea topomparasaya nosimpotove, kita mpuu-mpuu nosangu rara.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

1 Timotius 6:19

Ane ivesia pokainggura, namala raulita ira nompasiromu kakalumana ri suruga, anu mamala rasarumakara ri tempo makava, bo rakavara katuvu nabelo sampe ri kasae-saena.

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Ibrani 11:6

Ledo ria saitoa namala rapodamba nu Alatala ane ledo ria pomparasayana. Apa isema-sema madota metupu nte Alatala, kana raparasayana naria Alatala. Bo kana raparasayana muni Alatala mombadekei belo ka tona nangelo Ia ante rara mpuu-mpuu.

Ibrani 12:13

Osemo dala nalumbu ala kadamiu nakejo ledo matepakodu, tapi maroso mpanjili.

Ibrani 7:11

Tempo Alatala nombadekei Atura-atura agama ka toIsrael, nianggatakaNa tona lako ri valaa i Lewi majadi topanggeni pesomba anu momparenta todea mangoseaka Atura haitu. Tapi pokarajaa ntopanggeni pesomba haitu ledo nompakule mompakanoa manusia ri panggita nu Alatala. Jadi haitumo sampe paraluu raanggataka tona ntanina majadi topanggeni pesomba. Topanggeni pesomba haitu nasimbayu mpo i Melkisedek, bo domo mpo i Harun muli i Lewi anu najadi topanggeni pesomba ntoIsrael pamulana.

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Yakobus 1:4

Bo ane komiu bate-batena momparasaya sampe ri kaupuna, pomparasayamiu mpuu-mpuu majadi maroso bo ledo makura nuapa-nuapa.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

1 Yohanes 4:12

Dopa naria saitoa manusia nanggita Alatala. Tapi ane kita mosimpotove, haitumo tandana Alatala naria riara ntaita, bo toveNa ka kita mpuu-mpuu naria aselena riara nggatuvuta.