Ibrani 5:5 - Kaili Ledo

⁵ Ivesia muni i Kristus. Ledo nianggatakaNa mboto karoNa majadi Pakeni nTopanggeni Pesomba anu nibila. Tapi Ia nipelisi bo nianggataka nu Alatala. Alatala nanguli ivei: “Ikomo AnaKu, apa eo hitu Yaku najadi TuamaMu.” Mazmur 2:7

Ibrani 5:5 Iomraidhean Croise

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 7:18

Isema-sema nompatuduki lako ri pangisanina mboto, ia mbeki ratoiya ntona. Tapi isema-sema ledo nompekirika karona mboto tapi nompasimbuku ala topantudu ia haitu ratoiya, iamo nanoa, ledo ria tenggona.

Yohanes 8:54

Nesana i Yesus, “Ane Yaku mombabila karoKu mboto, ledo ntoto maria batuana. Tapi TuamaKu nombabila Yaku bo Iamo anu nipangakumiu Alatala nisombamiu,

Suro-Suro 13:33

haitu nipakadupaNamo ka kita tempo i Yesus nipakatuvuNa mpanjili. Naria nitulisi riara Mazmur karanduana ivei: ‘Ikomo AnaKu, eo hitu Yaku najadi TuamaMu.’ Mazmur 2:7

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

Ibrani 1:1

Tempo nggaulu, nadea ngganimo Alatala nompasimbayu tesaNa ante mpengaya-ngaya cara ka nabi-nabi anu nompapola tesaNa haitu ka totuata nggaulu.

Ibrani 1:5

Nalantomo kaoge i Yesus apa ledo ria sanggania Alatala notesa ka malaekaNa ivei: “Ikomo AnaKu, eo hitu Yaku najadi TuamaMu!” Mazmur 2:7 Bo ledo ria sanggania Alatala nanguli ka malaekaNa ivei: “Yaku majadi TuamaMu, bo Iko majadi AnaKu.” 2 Samuel 7:14 Tapi niuliNa ivehaitu ka AnaNa mboto.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

Ibrani 5:10

Bo Ia nianggataka nu Alatala najadi Pakeni nTopanggeni Pesomba nasimbayu mpo i Melkisedek, Pakeni nTopanggeni Pesomba nggaulu.