Ibrani 5:12 - Kaili Ledo

¹² Kakanana temponamo komiu majadi guru mompatuduki tona ntanina, sabana nasaemo komiu nomparasaya i Yesus. Tapi komiu da noparaluu guru mompatuduki ka komiu pepatuduki pamulana lako ri Tesa nu Alatala, komiu dopa nasadia nantarima pepatuduki kapolana. Komiu nasimbayu mpo ngana kodi da netomi, anu dopa nasadia mangande kandea nakaa!

Ibrani 5:12 Iomraidhean Croise

Matius 17:17

Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”

Markus 9:19

Jadi nanguli i Yesus ka ira, <>

Suro-Suro 7:38

I Musa muni naria nosanggani-nggani nte todea toIsrael ri karava bai, bo i Musamo mai najadi topetariolo ntotuata ante malaeka anu notesa ka ia ri Bulu Sinai. I Musamo mai nantarima tesa natuvu lako nte Alatala bo nipapolana ka kita.

Roma 3:2

Tantu nadea pelabina, naria mami gunana. Pamula-mulana, Alatala nombadekei tesaNa ka toYahudi nggaulu.

1 Korintus 14:19

Tapi nau ivesia, ane masiromu todea topomparasaya, aginapa kupake lima-mbela tesa anu nisani ntodea ala mombatulungi ira. Haitu nelabipa kabelona pade mompake sapulu njobu-mbela tesa riara basa anu ledo nisani ntona batuana.

1 Korintus 14:20

Sampesuvu-sampesuvuku, tumo mompekiri mpo ngana-ngana. Komiu kana manoto mpo tona nambasomo. Tapi ane anu daa, komiu kana masimbayu mpo ngana kodi anu dopa nisanina novia nadaa.

Galatia 4:3

Ivesia muni kita. Dopame nisanita pepatuduki nakana, kita nipobatua anu daa, anu nombakuasai dunia hitu.

Filipi 3:1

Sampesuvu-sampesuvu, kapolana, komiu kana madamba sabana komiu nosangu rara ante i Pue Yesus. Ledo nalenge yaku nombasili anu nitulisiku ka komiu bara ipia, sabana yaku madota mompainga komiu ala komiu ledo rabagiu ntona anu nanggeni pepatuduki nasala.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

Ibrani 10:32

Tapi sampesuvu-sampesuvu, toramo katuvumiu tempo bara ipia. Tempo komiu dako nantarima reme lako nte i Pue, nadea susa bo pari nirasaimiu. Tapi naupa ivesia, komiu batena nomparasaya.

Ibrani 5:11

Da nadeapa mbeki kuuli mombatesa i Yesus bo i Melkisedek ka komiu, tapi nakaja ratentei ka komiu sabana nakumba mpuu pompahamiu meguru pepatuduki nakana.

Ibrani 5:13

Isema-sema da netomi, batuana da nangana. Dopa nisanina mompoposisala anu nakana bo anu nasala.

Ibrani 6:1

Jadi sampesuvu-sampesuvu, nee kita aga mompekirika pepatuduki agama Kristen pamulana. Tapi aginamo kita meguru pepatuduki kapolana. Nee aga mombasili pepatuduki pamulana, evamo majea lako ri pokainggu nadaa anu ledo ria gunana, bo pepatuduki momparasaya Alatala.

1 Petrus 2:2

Ngana kodi dako nesuvu naino rarana nantomi uve njusu ntinana. Ivesia muni komiu kana maino rara mangepe Tesa nu Alatala anu najadi kandea nagasa ka nyawamiu. Ivesiamo posisanimiu nte Alatala mantambai maroso, sampe ratarimamiu pura-pura belo nipakasadiaNa ka tona nipakasalamaNa.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!