Ibrani 5:1 - Kaili Ledo

¹ Pura-pura Pakeni nTopanggeni Pesomba nipelisi lako nte todea bo nianggataka manjambei todea mantingayo Alatala. Pokarajaara haitu, manggeni pedekei-pedekei ka Alatala bo pesomba-pesomba anu majadi posompo dosa.

Ibrani 5:1 Iomraidhean Croise

Roma 15:17

Jadi yaku nadamba nompekirika pokarajaa nituiku ka Alatala, sabana yaku nosangu rara ante i Yesus Kristus.

1 Korintus 15:3

Nitarimaku kareba nelabi nopoko bo haitumo nipasimbayuku ka komiu. Haitumo, i Kristus namate sabana dosata bo haitu najadi nangoseaka anu nitulisi riara Buku Gasa.

Ibrani 10:11

Eo-eo topanggeni pesomba agama Yahudi neangga nantui pokarajaara. Nadea nggani nikenira pesomba-pesomba nasimbayu ka Alatala. Tapi pesomba haitu ledo ntoto nompakule mompakalali dosa.

Ibrani 10:12

Tapi aga sangu pesomba nikeni i Kristus, haitumo karoNa mboto nidekeiNa rapatesi majadi pesomba posompo dosa. Bo pesombaNa haitu nompakule mompakalali dosa sampe ri kasae-saena. Naupu nanggeni pesomba haitu, Ia nonturo ri panggana nu Alatala.

Ibrani 11:4

Lako ri pomparasaya i Habel, pesomba nikenina ka Alatala nabelopa pade pesomba nikeni ntuakana i Kain. Lako ri pomparasayana haitu, i Habel nitarima nu Alatala mpo tona nanoa apa nalantomo pesombana nipodamba nu Alatala. Bo nau namatemo ia, da nariapa tesana bo jonjo pomparasayana.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Ibrani 7:27

Ia ledo nasimbayu ante Pakeni nTopanggeni Pesomba ntanina. Eo-eo nikenira ntani ruru pesomba posompo ka dosara mboto, pade namala nikenira pesomba posompo ka dosa ntodea. Tapi i Yesus nanggeni pesomba aga sanggani tempo nidekeiNa karoNa mboto rapatesi mantolo dosa manusia. Pesomba haitu ledo paraluu rasili sampe ri kasae-saena.

Ibrani 8:3

Pura-pura Pakeni nTopanggeni Pesomba nianggataka ala manggeni pedekei bo pesomba ka Alatala. Jadi i Yesus muni paraluu maria pesomba rakeniNa ka Alatala.

Ibrani 8:4

Ane rapana Ia ri dunia hitu, Ia ledo ntoto majadi topanggeni pesomba, sabana nariamo topanggeni pesomba anu nanggeni pesomba ka Alatala nangoseaka Atura-atura agama Yahudi.

Ibrani 9:9

Haitu muni naria batuana ka kita sii-sii, haitumo pedekei-pedekei bo pesomba-pesomba nipesomba ntona nangoseaka atura-atura pojanji nokolu, ledo nakuasa mompakagasa rara ntai ntopesomba ri panggita nu Alatala.