Ibrani 4:15 - Kaili Ledo

¹⁵ Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Ibrani 4:15 Iomraidhean Croise

Matius 12:20

Tava natetilu ledo rapakakotoNa, batuana, Ia nabelo nte tona nalente pomparasayana bo sumbu poindo aga nompida-mpida vayana ledo rapepayaNa; batuana, nalusu raraNa nte tona nau pomparasayana ledo naroo. Ia bate-batena mompasimbuku sampe kanoa nu poparenta nu Alatala majadi ri dunia,

Matius 4:1

11Naupu haitu i Yesus nikeni Nosa Gasa nu Alatala hau nantende ri karava bai ala rapesori Magau nu Seta.

Lukas 22:28

Tempo Yaku nombarasai susa bo pari, ledo nipalaisimiu Yaku.

Lukas 4:2

Patapulu-mbongi kasaena Ia nonturo sumai bo nipesori Magau nu Seta. Patapulu-mbongi Ia sumai ledo ria nuapa-nuapa nikandeNa sampe naara mpuu taiNa.

Yohanes 8:46

Coba popakita ka Yaku dosaKu! Nakana anu nitesaKu, jadi nakuya ledo niparasayamiu?

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Ibrani 4:14

Jadi nariamo Pakeni nTopanggeni Pesomba anu naoge mpuu, Iamo i Yesus, Ana nu Alatala. Ia noliu ri langi bo nesua ri suruga ri ngayo nu Alatala ala mantulungi kita. Jadi kita kana maroo momparasaya bo nee menonto mangaku i Yesusmo Tuputa.

Ibrani 5:2

Pakeni-pakeni nTopanggeni Pesomba aga manusia muni bo nadea kalentera. Haitumo sabana nalusu rarara nantulungi tona nadoyo bo nasalandala.

Ibrani 7:26

Jadi i Yesusmo Pakeni nTopanggeni Pesomba anu nompakule nombatulungi kita. Ia nagasa, ledo ntoto ria salaNa atau dosaNa. Ia nitaniaka lako ri tona nadosa, bo Ia nioretaka sampe ri ponturo nalangapa pade pura-pura anu naria ri langi, haitumo ri suruga.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

1 Petrus 2:22

Ia ledo sanggania novia dosa, ledo sanggania Ia nodava.

1 Yohanes 3:5

Nisanimiumo patuju i Yesus nakava ri dunia ala Ia mompakalali pura-pura dosa manusia. Bo nisanimiu muni Ia mboto ledo ntoto nadosa.