Ibrani 4:1 - Kaili Ledo

¹ Sampesuvu-sampesuvu, da naria pojanji nu Alatala nombadekei loga ka kita menonto mosanggani-nggani ante Ia. Haitu sampe kita kana mainga ala nee maria saitoa kita maboli.

Ibrani 4:1 Iomraidhean Croise

Matius 24:48

Tapi mandasa mpuu ane batua haitu madaa pokaingguna bo nipekirina riara ntaina ivei: ‘Wee! Da masaepa pade manjili madikaku.’

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!

Roma 3:23

Pura-pura manusia nadosa bo ledo masipato manggava bagia ri kaoge nu Alatala.

1 Korintus 10:12

Jadi isema-sema nompekiri narosomo pomparasayana bo ledo mamala rapesori, pakabelo-belo! Nee sampe ia muni manavu riara dosa!

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Galatia 5:4

Ane komiu mompasimbuku majadi manoa ri panggita nu Alatala ante mangoseaka Atura agama, komiu nopudusi posangu raramiu nte i Kristus. Komiu notubengosi kabelo rara nu Alatala.

2 Timotius 2:13

Nau kita ledo natutu nomparasaya Ia Ia bate-batena namala raparasaya, sabana anu niuliNa kana rapakadupaNa mpuu.”

Ibrani 12:15

Jagaimo! Nee sampe maria komiu moura momparasaya bo mompoara kabelo rara nu Alatala. Nee sampe maria tona majadi mpo tuda-tuda nelangu ri tatangamiu, anu nompakasusa todea ante racuna, sampe nadea tona nikeni riara dosa.

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Ibrani 13:7

Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.

Ibrani 3:11

Nagigi mpuu raraKu sampe Yaku nosumpa ivei: Ira ledo ntoto mamala mesua ri ngata Kudekeika ira bo ledo mamala ira menonto mosanggani-nggani ante Yaku.’ ” Mazmur 95:7-11

Ibrani 4:11

Sabana haitu, kita kana mompasimbuku ante rarata mpuu-mpuu ala kita mamala menonto mosanggani-nggani ante Alatala. Nee sampe maria tona ledo radekei mombarasai kabelo haitu sabana ledo nomparasaya, evamo najadi nte toIsrael nggaulu.

Ibrani 4:9

Jadi da nariapa loga ka kita todea nu Alatala menonto mosanggani-nggani ante Ia nasimbayu mpo penontoNa ri eo kapapituna.