Ibrani 3:19 - Kaili Ledo

¹⁹ Jadi, nalantomo ka kita ira ledo namala nenonto nosanggani-nggani nte Alatala sabana ira ledo nomparasaya.

Ibrani 3:19 Iomraidhean Croise

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Yohanes 3:18

Isema-sema nomparasaya Ana nu Alatala haitu ledo rahuku. Tapi isema-sema ledo nomparasaya, nihuku nu Alatalamo sabana ledo niparasayara Ana nu Alatala saito-itoNa haitu.

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Roma 11:23

Ane ira toYahudi domo mombasapuaka Alatala tapi majea bo momparasaya, ira ratarima nu Alatala mpanjili. Bo Ia nakuasa mantarima ira mpanjili.

2 Tesalonika 2:12

Kaupuna pura-pura tona anu ledo nomparasaya pepatuduki nakana bo aga nadamba novia anu nadaa rahuku nu Alatala.

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!

1 Yohanes 5:10

Isema-sema nomparasaya Ana nu Alatala, nisanina nakana mpuu posabi nu Alatala. Tapi isema-sema ledo nomparasaya Alatala, batuana ia nompopodava Alatala sabana ledo niparasayana posabi nu Alatala nombatesa AnaNa.

Yudas 1:5

Nau nisanimiumo pura-pura hitu, kana kupopatora ka komiu pehuku nu Alatala ka tona novia nadaa. Nggaulu, Tupu nombakabasaka todeaNa toYahudi lako ri tana Mesir. Tapi naupu sia, naria sanu ira ledo nomparasaya sampe nipatesiNamo ira ri karava bai.