Ibrani 3:18 - Kaili Ledo

¹⁸ Alatala nojanji ivei: “Ira ledo ntoto mamala menonto mosanggani-nggani ante Yaku!” Isema nipatuju nu Alatala? Natantumo ira anu ledo natundu nte Ia.

Ibrani 3:18 Iomraidhean Croise

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Roma 11:30

Bara ipia komiu tona ledo toYahudi ledo natundu nte Alatala. Tapi sii-sii komiu nipoasiNa bo niampungiNa sabana pesapuaka ntoYahudi.

Ibrani 3:11

Nagigi mpuu raraKu sampe Yaku nosumpa ivei: Ira ledo ntoto mamala mesua ri ngata Kudekeika ira bo ledo mamala ira menonto mosanggani-nggani ante Yaku.’ ” Mazmur 95:7-11

Ibrani 4:11

Sabana haitu, kita kana mompasimbuku ante rarata mpuu-mpuu ala kita mamala menonto mosanggani-nggani ante Alatala. Nee sampe maria tona ledo radekei mombarasai kabelo haitu sabana ledo nomparasaya, evamo najadi nte toIsrael nggaulu.

Ibrani 4:2

Apa kita muni nangepe Kareba Belo nu Alatala nasimbayu mpo totuata nggaulu. Tapi kareba niepe ntotuata ledo ria gunana ka ira, sabana aga niepera bayangi, ledo niparasayara kareba haitu.

Ibrani 4:6

Jadi tona pamulana anu nangepe kareba nabelo haitu ledo nirasaira kabelo penonto nu Alatala, sabana ira ledo nomparasaya. Tapi patuju nu Alatala, kana maria tona menonto mosanggani-nggani ante Ia.