Ibrani 2:8 - Kaili Ledo

⁸ Bo Komiu nombadekei kuasa ka manusia ala rakuasaira pura-pura anu naria.” Mazmur 8:5-7 Jadi ane niuli Alatala nombadekei kuasa ka manusia momparenta pura-pura anu naria, batuana, ledo ria sangayaa ledo nidekeiNa rakuasai nu manusia. Sii-sii dopa nikitata manusia nombakuasai pura-pura anu naria.

Ibrani 2:8 Iomraidhean Croise

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 3:35

Tuamata Alatala nompotove AnaNa, bo nidekeiNa Ia mombakuasai pura-pura.

1 Korintus 15:27

Nitulisi riara Buku Gasa ivei: “Alatala mompopekou pura-pura anu naria ri ngayoNa.” Mazmur 8:7 Jadi nisanita pura-pura mekou nte i Kristus. Aga Alatala mboto ledo mekou nte i Yesus, sabana Iamo anu nompopekou pura-pura anu naria nte i Kristus.

Ibrani 1:13

Bo ledo ria sanggania Alatala nanguli ka malaekaNa mpo niuliNa ka AnaNa ivei: “Ponturomo ri sabingga ngganaKu sampe Kupopekou pura-pura baliMu nte Iko.” Mazmur 110:1

Ibrani 1:2

Tapi ri tempo nggapuri hitu AnaNa mbotomo nompasimbayu tesaNa ka kita. AnaNa haitu nipopale nu Alatala nompajadi dunia, bo Alatala nompakatantu AnaNa haitumo masipato majadi tupuna pura-pura anu naria.

Ibrani 2:5

Ledo malaeka-malaeka nanggava kuasa lako nte Alatala moparenta ri dunia nabaru bara maipia, haitumo dunia nitesata ri sii.

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.