Ibrani 2:16 - Kaili Ledo

¹⁶ Natantumo ledo malaeka nitulungiNa, aga kita muli i Abraham.

Ibrani 2:16 Iomraidhean Croise

Roma 2:25

Kita toYahudi nisuna, tandana kita todea nu Alatala. Ada posuna haitu naria gunana ane mpuu-mpuu nioseakata Atura agama. Tapi ane niliunakata Atura haitu, ada posuna ledo ria batuana, apa kita nasimbayu ante tona ledo toYahudi anu ledo nisuna.

Galatia 3:16

Ivesia muni ante pojanji nu Alatala. Ia nombadekei pojanjiNa ka i Abraham bo mulina. Riara Buku Gasa ledo nitulisi belo haitu radekei “ka muli-mulimu”, batuana, ka muli dea i Abraham. Anu nitulisi, belo haitu radekei “ka mulimu”, batuana ka saito muli i Abraham, haitumo i Yesus Kristus.

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

Ibrani 12:10

Tuamata ri dunia hitu nombaboba bo nompatuduki kita sampalai, nangoseaka anu nirekera nabelo. Tapi Alatala nompatuduki kita ala manggeni belo ka kita. PatujuNa ala kita majadi magasa masimbayu mpo Ia.

Ibrani 2:15

Ante nompakaropu kuasa Magau nu Seta, nikabasakaNa tona anu natuvu mpo batua kasae nggatuvura ri dunia hitu sabana naeka ka kamate.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Ibrani 6:16

Ane kita manusia nojanji, kita nosumpa nte sanga naogepa pade karota mboto, bo haitu nompakaroso tesata ala raparasaya ntona, bo domo maria posisanai.

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.