Ibrani 2:1 - Kaili Ledo

¹ I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

Ibrani 2:1 Iomraidhean Croise

Matius 16:9

Dopa nipahamiu? Ledo nitoramiu lima-njobu tona nipakande ante lima-angu roti? Ledo nitoramiu sako-tondapa labina nipasiromumiu?

Markus 8:18

Komiu nomata tapi nakuya komiu ledo nekita? Komiu notalinga, tapi nakuya komiu ledo neepe? Ledo nitoramiu anu nipoviaKu pangane?

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Lukas 9:44

“Pariaramo tesaKu hitu: Yaku, Ana nu Manusia nitoiya ntona sii-sii, tapi makava tempona Yaku radekei riara kuasa nu manusia.”

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.

Ibrani 12:5

Nee rakalingasimiu tesa lako ri Buku Gasa anu nompangajari kita, nasimbayu mpo totua nompangajari ngana-ngana, ivei: “Anaku, nee rasapuaka pepatuduki nTupu. Nee maupu raramu ane raonteakaNa iko.

2 Petrus 1:15

Jadi kupasimbuku ala nau mamatemo yaku, komiu bate-batena mantora pura-pura tesa haitu.

2 Petrus 3:1

Sampesuvu-sampesuvu nipotoveku, hitumo suraku karanduana ka komiu. Riara suraku karanduana hitu muni yaku nompasimbuku mompopatora ka komiu pepatuduki nakana ala pekirimiu batena magasa.