Ibrani 13:7 - Kaili Ledo

⁷ Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.

Ibrani 13:7 Iomraidhean Croise

Matius 24:45

“Rapana naria batua anu nanoto bo natutu neoseaka, iamo raanggataka nu madikana majadi topompasiayu pura-pura batua ntanina riara nu banua. Iamo mompasiayu kandea ka batua-batua ntanina eo-eo.

Lukas 12:42

Nesanamo i Yesus, “Haitu niuliKu ka batua nanoto bo natutu neoseaka. Tona haitu raanggataka nu madikana majadi topompasiayu pura-pura batua ntanina riara banua. Iamo mompasiayu kandea ka batua-batua ntanina eo-eo.

Lukas 5:1

Naria sanggani i Yesus neangga nompaguru ri tinggi Rano Genesaret. Nadea tona nosiaso madota mangepe tesa nu Alatala.

Lukas 8:11

Ivei batuana porapa pangane: savua nirapaka Tesa nu Alatala.

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Suro-Suro 14:23

Ri ngata-ngata haitu i Paulus bo i Barnabas nanganggataka pakeni ntodea topangoseaka i Yesus. Ira nopuasa bo nosambaya, nerapi i Pue mombajagai pakeni haitu, apa Iamo panjarumakara.

Suro-Suro 4:31

Naupu ira nosambaya, banua nikasiromura haitu nogoya. Ira pura-pura nikuasai nu Nosa Gasa nu Alatala, bo nipatolelera tesa nu Alatala bo domo ntoto naeka rarara.

Roma 10:17

Jadi, manusia nomparasaya i Kristus sabana niepera Kareba Belo. Bo niepera kareba sabana naria tona nompatolele tesa i Kristus ka ira.

1 Korintus 10:13

Pura-pura pesori anu nambela komiu nasimbayu ante pesori-pesori anu nipambela ka pura-pura manusia. Tapi Alatala namala raparasaya mantulungi komiu. Ledo rapalambaNa komiu rapesori ante pesori anu melabi lako ri pompakulemiu. Tempo komiu rapesori, Ia mompopaisani dala ka komiu ala komiu maroso bo maroo raramiu mombatidamaka riara pesori haitu.

1 Korintus 11:1

Jadi pasialamo pokaingguku nasimbayu mpo yaku mboto nompasiala pokainggu i Kristus.

1 Korintus 4:16

Yaku nompotove komiu mpo anaku mboto. Jadi haitu sampe yaku mpuu-mpuu merapi nte komiu, pasialamo pokaingguku.

Filipi 3:17

Sampesuvu pura-pura, pasialamo pokaingguku, bo pariarantai munimo pokainggu ntona ntanina anu natuvu nangoseaka jonjo kami.

1 Tesalonika 1:6

Bo tempo komiu nangepe Kareba Belo, nipasialamiu pokainggu kami bo pokainggu i Pue Yesus muni. Nau nipakasusa mpuu komiu, komiu nadamba nantarima Kareba Belo apa Nosa Gasa nu Alatala nompakadamba raramiu.

1 Tesalonika 2:13

Naria sangayapa ntanina sampe kami nasaro notarima kasi nte Alatala. Sabana, tempo komiu nantarima Tesa nu Alatala nipatolele kami ka komiu, ledo nirekemiu aga tesa nu manusia. Tesa haitu nitarimamiu mpo tesa lako nte Alatala mboto. Bo tesa haitu mpuu-mpuu tesa nu Alatala anu nokarajaa riara nggatuvumiu topomparasaya i Kristus.

2 Tesalonika 3:7

Nisanimiu mbotomo pokainggu kami bara ipia tempo kami nonturo nte komiu, kami ledo namau nokarajaa. Pokainggu kami haitu kana rapasialamiu.

2 Tesalonika 3:9

Kakanana masipato kami merapi tulungi nte komiu. Tapi kami ledo nerapi tulungi sabana kami madota majadi jonjo anu mamala rapasialamiu.

1 Timotius 3:5

Apa ane ledo rapakulena mompasiayu tona ri banuana mboto, berimbamo rapakulena mompasiayu todea topomparasaya Alatala?

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

Ibrani 13:24

Pakavote tabe kami ka pura-pura pakenimiu bo ka pura-pura todea nu Alatala ri situ. Bo tarimamo tabe lako nte sampesuvuta sampomparasaya ri propinsi Italia.

Ibrani 6:12

Nee sampe komiu majadi masanda, tapi pasialamo jonjo ntona anu nomparasaya Alatala bo nosabara nompopea sampe nikavara anu nijanjiNa ka ira.

1 Petrus 4:11

Jonjona, isema-sema nidekeika pompakule mompasimbayu Tesa nu Alatala kana motesa mpo tona niposumba nu Alatala mboto. Isema-sema nidekeika pompakule mantulungi tona ntanina, kana mantulungi ante karoso nidekei nu Alatala ka ia. Pakemo pompakule-pompakule haitu ala nau damo nuapa majadi, Alatala ratoiya bo rabila sabana anu nipovia i Yesus Kristus ri katuvumiu. Alatalamo nakuasa bo masipato ratoiya bo rabila sampe ri kasae-saena. Amin!

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.

Pompakita 6:9

Naupu haitu Ana Bimba nombabuka populu kaalimana. Bo nikitaku ri tambe Lanta Pesomba naria nyawa-nyawa ntona namate anu nipatesi sabana nompatolele Tesa nu Alatala bo ledo nenonto notesaki pomparasayara i Yesus.